ممبئی؛7/ جنوری(ایجنسیز) ممبئی۹۳ء بم دھماکوں کی سازش میں ملوث ہونے کے الزام میں عمر قید کی سزا پانے والی روبینہ میمن جو کہ ممبئی سلسلہ وار بم دھماکوں کے کلیدی ملزم ٹائیگر میمن کی بھاوج ہیں 13برسوں بعد جیل سے رہائی عمل میں آئ۔اور رات دیر گئے وہ اپنی قیام گاہ ماہم پہونچیں۔
ممبئ ہائ کورٹ نے گزشتہ دنوں روبینہ کو انکی دختر کی شادی میں شرکت کے لئے چھ دنوں کی رخصتی پیرول پر رہا کئے جانے کی اجازت دی تھی۔
انکی وکیل۔ فرحانہ شاہ نے بتلایا کہ ان کی موکلہ کی کل پونہ شہر کے یروڑہ جیل سے رہائ عمل میں آئی ہے
گزشتہ31 دسمبر کو ممبئ ہائی کورٹ کے جسٹس ایس ایس شنڈے اور جسٹس ابھیے آہوجا پر مشتمل تعطیلاتی بینچ نے بیٹی کے انسانی حقوق کو مدنظر رکھتے ہوئے پیرول کی منظوری دی تھی اپنے حکم میں ، عدالت نے کہا تھا کہ ، "مذکورہ بالا حالات کو مدنظر رکھتے ہوئے اور بیٹی کے انسانی حقوق کو مدنظر رکھتے ہوئے ، ہم عرضداشت کو منظور کرنے پر راضی ہیں۔”
روبینہ میمن نے یرو واڈا سنٹرل جیل میں پیرول کے لئے درخواست دی ، لیکن حکام نے اس پر کوئی فیصلہ نہیں کیا۔ تب انھوں نے ہائی کورٹ سے رجوع کیا تھا۔
وکیل فرحانہ شاہ نے عدالت سے درخواست کی تھی کہ وہ اسکی موکلہ کو اسکی بیٹی کی شادی کے کاموں میں شرکت کے لئے کم از کم 7 دن کی پیرول دیں۔
عدالت کو بتایا گیا کہ 13 سال قید کے دوران روبینہ میمن کو کبھی پیرول نہیں دیا گیا۔ جیل میں ملزمہ کے طرز عمل کو نوٹ کرنے کے بعد ، عدالت نے ان کو 6 جنوری سے 11 جنوری تک سات دنوں کے لئے پیرول کی منظوری دے دی۔روبینہ کی پیرول ۱۱؍ جنوری کو ختم ہو گی۔
