مہاراشٹرا : اسپتالوں کے فائر پروٹیکشن سسٹم کا وزیرصحت راجیندر پاٹل یدراوکر نے لیا جائزہ

ممبئی: (اردودنیانیوز) وزیر مملکت برائے صحت عامہ اور خاندانی بہبود اور میڈیکل ایجوکیشن راجیندر پاٹل یدراوکر نے بھنڈارا ضلع کے عام اسپتال میں حادثہ کے پس منظر میں سرکاری کالجوں میں سرکاری اسپتالوں اور اسپتالوں کے فائر سیفٹی سسٹم کا جائزہ لیا۔

وزیر پاٹل نے ہدایت کی کہ، محکمہ کی سرکاری عمارتوں کا ہر دو سال بعد جائزہ لیا جائے۔ اور محکمہ پبلک ورکس اور دیگر محکموں کے ذریعہ فائر سیفٹی کے بارے میں ایک جامع پالیسی مرتب کی جائے۔ وزیر مملکت پاٹل یدراوکر نے متعلقہ حکام کو بھی ہدایت کی کہ، وہ تیسری فریق تنظیم کے ذریعہ فائر سیفٹی سسٹم کا فائر آڈٹ کریں۔ اور اس میں موجود نقص کو دور کرنے کے لئے بجٹ کا انتظام کریں۔

وزیر مملکت یدراوکر نے کہا کہ، اسپتال کی آگ سے حفاظت کا موضوع سب سے اہم مسئلہ ہے۔ اور اس طرح کے حادثات کی روک تھام کے لئے مختلف اقدامات کرنے کی ضرورت ہے۔ اس موقع پر، نظامت صحت خدمات جوائنٹ ڈائریکٹر ڈاکٹر نتن امباڈیکر، میڈیکل ایجوکیشن کے ڈپٹی سیکرٹری پروفیسر بی. سروسے، جوائنٹ ڈائریکٹوریٹ آف میڈیکل ایجوکیشن اینڈ ریسرچ اجے چندن والا، جوائنٹ سکریٹری ، ڈائریکٹوریٹ آف میڈیکل ایجوکیشن اینڈ ریسرچ سنجے کملاکر اور دیگر عہدیدار موجود تھے۔