نئی دہلی، 14 دسمبر (اُردو دنیاڈاٹ ان) ہندوستانی وزیراعظم نریندر مودی بنگلہ دیش کی وزیر اعظم شیخ حسینہ سے ویڈیو کانفرنسنگ کے ذریعے 17 دسمبر کو بات چیت کریں گے ہندوستانی وزارت خارجہ کے مطابق ، اس ورچول سربراہ اجلاس میں دونوں ممالک کے رہنما ہند بنگلہ دیش دوطرفہ تعلقات کے تمام پہلوو ں پر تبادلہ خیال کریں گے۔ واضح رہے کہ وزیر آعظم بنگلہ دیش مسزشیخ حسینہ گذشتہ سال اکتوبر میں ہندوستان کے سرکاری دورے پر آئی تھیں جبکہ مسٹر مودی نے اس سال مارچ میں مجیب بورشو کے تاریخی موقع پر ویڈیو کانفرنسنگ کے ذریعے تقریب سے خطاب کیا تھاہندوستان اور بنگلہ دیش کے مابین اعلی سطح پر باقاعدہ بات چیت اور تبادلہ خیالات قائم ہیں۔ دونوں رہنما کووڈ- 19 وبا سے نمٹنے کے اقدامات پر باقاعدگی سے بات چیت کرتے ہیں۔جس میں کووڈ۔19 کے بعد باہمی تعاون کو مزید تقویت بخشنے کے اقدامات شامل ہیں –
