حیدرآباد :(اردودنیا.اِن)تلنگانہ ان ریاستوں کی فہرست میں بھی شامل ہوگئی ہے جنہوں نے کوویڈ۔19 ویکسین اسٹاک کی قلت کے بارے میں مرکزی حکومت کو خط لکھا ہے۔ تلنگانہ نے مرکزی سکریٹری صحت راجیش بھوشن کو خط لکھا ہے کہ ریاست میں ویکسین کا ذخیرہ صرف تین دن باقی ہے۔ ہفتہ کے روز بھوشن کو بھیجے گئے ایک خط میں تلنگانہ کے چیف سکریٹری سومیش کمار نے اگلے 15 دن کے لئے 30 لاکھ خوراکوں کی ویکسین کا مطالبہ کیا ہے۔
سومیش کمار نے اپنے خط میں لکھا ہے کہ ریاست میں کویوڈ ویکسین کی صرف 5.66 لاکھ خوراکیں باقی ہیں ، جو زیادہ سے زیادہ تین دن تک جاری رہ سکتی ہیں۔ خط میں کہا گیا ہے کہ جمعہ کے دن ویکسین کی تعداد روزانہ 1.15 لاکھ کو عبور کر چکی ہے اور ریاست اس صلاحیت کو روزانہ 2 لاکھ تک بڑھانا چاہتی ہے۔
کمار نے خط میں لکھا ہے کہ لہٰذامیں آپ سے گزارش کرنا چاہتا ہوں کہ اگلے 15 دن تک تلنگانہ کو کم سے کم 30 لاکھ خوراکیں دیں۔تلنگانہ چھٹی ریاست ہے جس نے ویکسین اسٹاک کی کمی کے بارے میں مرکزی حکومت کو خط لکھا ہے۔تلنگانہ کے علاوہ ، مہاراشٹر ، پنجاب ، راجستھان ، دہلی اور جھارکھنڈ نے بھی ویکسین اسٹاک کے بارے میں مرکز کو متنبہ کیا۔ کورونا وائرس کے انفیکشن کی دوسری مہلک لہر کے طور پر ، اتوار کے روز ملک بھر میں 1.52 لاکھ سے زیادہ نئے کیسز رپورٹ ہوئے ہیں۔نئے معاملات کے ساتھ ہی ، ملک میں طبی انفراسٹرکچر اور ویکسین کی مانگ زور پکڑتی جارہی ہے۔
