گوہاٹی : (اردودنیا.اِن)گوہاٹی کے ڈان باسکو اسکول کے ایک استاد کے کنبہ کے ایک ممبر اور ایک دیگر ٹیچر کو کورونا وائرس سے متاثر پائے جانے کے بعد اس اسکول کو سات دن کے لئے سیل کردیا گیا ۔
ذرائع نے بتایا کہ یہ دونوں اساتذہ حکام کو اس کی اطلاع دئیے بغیر کلاس روم میں پڑپانے جارہے تھے کہ وہ متاثرہ ہیں یا وہ متاثرہ شخص کے ساتھ رابطے میں آئے ہیں۔کامروپ میٹرو پولیٹن کے ڈپٹی کمشنر وشجیت پیگو نے دیگراساتذہ اور طلبہ میں انفیکشن کے پھیلاؤ کو روکنے کے لئے 27 فروری تک پورے اسکول کیمپس کو کنٹینٹ زون قرار دیا ہے۔
حکم نامے میں کہا گیا ہے کہ اسکول کے تمام اساتذہ کوکویڈ 19 کا ٹیسٹ کرانے کے لئے آج اسکول آنے کی ہدایت کی گئی ہے۔
دریں اثنا اسام حکومت نے کورونا وائرس میں کمی کی وجہ سے یکم مارچ سے ہوائی اڈوں اور ریلوے اسٹیشنوں پر کوویڈ۔19 کے لازمی ٹیسٹ کو ختم کردیاہے۔ آسام میں کورونا کے کل 2.17 لاکھ کیسز رپورٹ ہوئے ہیں اور 1091 افراد ہلاک ہوئے ہیں۔
