یوپی ، گجرات سمیت چھ ریاستوں میں لڑیں گے الیکشن: اروند کیجریوال
نئی دہلی: (اردودنیا.اِن) عام آدمی پارٹی نیشنل کونسل کے اجلاس میں دہلی کے وزیر اعلیٰ اروند کیجریوال نے جمعرات کو اعلان کیا کہ ان کی پارٹی نے اگلے دو سالوں میں چھ ریاستوں میں انتخابات لڑنے کا فیصلہ کیا ہے۔ انہوں نے بتایا کہ عآپ نے فیصلہ کیا ہے کہ اگلے دو سالوں میں پارٹی اتر پردیش ، اتراکھنڈ ، پنجاب ، گجرات ، ہماچل پردیش اور گوا میں انتخابات لڑے گی۔واضح رہے کہ عام آدمی پارٹی پہلے ہی پنجاب اور گوا میں اسمبلی انتخابات لڑ چکی ہے۔
پارٹی کے پاس 2017 کے اسمبلی انتخابات کے بعد موجودہ اسمبلی میں 20 ممبران ہیں۔اروند کیجریوال نے کسان ریلی میں ہونے والے تشدد پر کہا کہ 26 جنوری کو جو بھی ہوا بدقسمتی ہے اور اس میں جو بھی رہنما یا پارٹی ملوث تھی ، ان پر سخت کارروائی کی جانی چاہئے۔ اس دن جو کچھ بھی ہوا اس سے یہ تحریک ختم نہیں ہوسکتی۔ ہم سب کو مل کر کسانوں کا پرامن طریقے سے ساتھ دینا ہے۔
