انگلینڈ کے کپتان کی عمدہ بولنگ ، روٹ بغیر رن دئیے دو وکٹیں لینے والے پہلے گیندباز
گالے :( اردونیا.اِن) انگلینڈ کے کپتان جو روٹ نے سری لنکا کے خلاف شاندار کارکردگی کا مظاہرہ کیا۔ انہوں نے پہلے بیٹنگ سے اور پھر گالے ٹیسٹ کی دوسری اننگز میں گیندبازی میں کمال دکھایا۔ سری لنکا کے خلاف ٹیسٹ میچ کے چوتھے روز انگلش کپتان نے دو وکٹیں لیں اور ایک بھی رن نہیں دیا۔
اس کے ساتھ ہی وہ دنیا کے پہلے کھلاڑی بن گئے جس کے نام یہ خصوصی ریکارڈشامل ہوگیا۔ انگلینڈ میں سری لنکا کے مابین کھیلی جارہی دو میچوں کی ٹیسٹ سیریز کے آخری میچ میں روٹ نے 186 رنز بنائے اور دوسری اننگز میں 2 وکٹیں حاصل کیں۔ روٹ کی عمدہ بولنگ کی وجہ سے میزبان ٹیم126 رنز کے اسکور پر ڈھیر ہوگئی ۔
روٹ ٹیسٹ کرکٹ میں ایک بھی رن دیئے بغیر دو وکٹیں لینے والے پہلے گیندباز بن گئے۔ انہوں نے صرف 11 گیندیں ڈالیں اور دو بلے بازوں کو آؤٹ کیا۔ اس دوران انہوں نے ایک رن بھی نہیں دیا۔
ہندوستان کے سریش رینا اور ویسٹ انڈیز کے رام نریش سرون نے 1 رن پر دو وکٹیں حاصل کیں۔ رائنا نے یہ کام 2010 میں نیوزی لینڈ کے خلاف کیا تھا ، جبکہ سرون 2002 میں ہندوستان کے خلاف ایسا کرنے میں کامیاب رہے ۔ روٹ دنیا کے پہلے کھلاڑی ہیں جنہوں نے بغیر کوئی رن دئیے دو وکٹیں حاصل کیں۔
