برازیل میں کوویڈ کے باعث یومیہ ہلاکتوں کا نیا ریکارڈ

برازیل:(ایجنسیاں) برازیل کی وزارت صحت کے مطابق گزشتہ 24 گھنٹوں کے دوران ملک میں کورونا وائرس کے سبب ہونے والی ہلاکتوں کی تعداد تقریبا دو ہزار دو سو رہی، جو ایک نیا افسوس ناک ریکارڈ ہے۔ اس دوران ملک میں رجسٹر کی گئی، نئی کورونا انفیکشنز کی تعداد بھی تقریبا 80 ہزار رہی۔ برازیل کے سابق صدر لولا ڈی سلوا نے موجودہ صدر بولسونارو کو اس صورت حال کا ذمہ دار ٹھہراتے ہوئے ان پر شدید تنقید کی ہے۔ لولا ڈی سلوا کے مطابق صدر بولسونارو کی کورونا کے خلاف پالیسی ’ناقص اور فضول‘ ہے۔