جدہ:(ایجنسیاں) سعودی عرب کی صدارتِ عامہ برائے امور الحرمین الشریفین نے بتایا ہے کہ خادم الحرمین الشریفین شاہ سلمان بن عبدالعزیز آل سعود نے ماہ صیام کے دوران صحت کےا یس اوپیز کے تحت پانچ تسلیمات کے ساتھ نماز تراویح ادا کرنے کی اجازت دے دی ہے۔ خادم الحرمین الشریفین کی طرف سے اجازت ملنے کے بعد مسجد حرام میں نماز تراویح ادا کی جائے گی مگر تراویح کی ایک ساتھ چار چار رکعات ادا کی جائیں گی۔
چیئرمین صدارتِ عامہ برائے امور الحرمین الشریفین ڈاکٹر عبدالرحمان السدیس نے اس موقعے پر کہا کہ مملکت کی قیادت حرمین شریفین میں شعائر اسلام کی ادائی کو جاری رکھنے کی خواہاں ہے اور عبادت کے دوران نمازیوں، معتمرین اور زائرین کو تمام ضروری سہولیات فراہم کرنے کا عزم کیا گیا ہے تاکہ ماہ صیام کے دوران روزہ دار کسی قسم کی پریشانی کا سامنا کیے بغیر عالمی وبا کے دنوں میں بہ حفاظت عبادت کرسکیں۔
