ریاض:(ایجنسیاں) یوٹیوب کے تازہ ترین اعدادوشمار کے مطابق 2020 کے دوران سعودی عرب کے اندر یوٹیوب کے صارفین کی تعداد 20 ملین تک پہنچ گئی، جبکہ ویڈیوز دیکھنے کا اوسط دورانیہ 55 منٹ تک ہو گیا۔ یوٹیوب نے سعودی عرب میں سب سے زیادہ دیکھے جانے والی ویڈیوز کا انکشاف کیا ہے، پہیلیوں اور ایڈونچر ویڈیوز کی فہرست پہلے نمبر پر ہے جبکہ مارشل آرٹس کی ویڈیوز خصوصاً فری سٹائل ریسلنگ دوسرے نمبر پر رہیں،
اسی طرح سائنس اور کھیل سے متعلق مواد دیکھنے میں 200 فیصد تک اضافہ ہوا، اسی طرح ویڈیو گیمز اور فلمیں دیکھنے کا شوق بھی دو گنا ہو گیا۔یہ ایک ایسے وقت میں ہوا جب بہت ساری بین الاقوامی کمپنیوں جیسے ایمیزون پرائم نے یوٹیوب پر اپنی فلمیں نشر کرنا شروع کیں۔
