غزہ پر اسرائیلی بربریت،صدمے سے نڈھال چار شہید بچوں کے والد کی حالت پر ہرآنکھ اشکبار
راملہ:(اردودنیا.اِن/ایجنسیاں)فلسطین کے علاقے غزہ کی پٹی پر اسرائیلی فوج کی طرف سے گذشتہ سوموار سےنہتے اور بے گناہ فلسطینیوں پر وحشیانہ بمباری کے دوران دل دہلا دینے والے مناظر سامنے آ رہے ہیں۔ سوشل میڈیا پر وایک ویڈیو سامنے آئی ہے جس میں چار کم سن شہید بچوں کے والد کو بچوں کی بےدردی سے شہادت پر صدمے سے نڈھال دیکھا جا سکتا ہے۔حماس کے خلاف غزہ کی پٹی میں شروع کی گئی اسرائیلی بمباری کے دوران ایک سو سے زاید فلسطینی شہید ہوچکے ہیں جن میں بڑی تعداد بچوں کی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک شخص جس کے چار بچے اسرائیلی بمباری میں شہید ہوئے ہیں، صدمے سے نڈھال ہےاور رو رو کر بچوں کو پکار رہا ہے۔
#خاص_شهاب https://t.co/NaAEAGfi7k via @FacebookWatch
— UrduDuniya (@UrduDuniya_UDN) May 15, 2021
خیال رہے کہ اسرائیلی فوج نے گذشتہ سوموار کو غزہ کی پٹی پروحشیانہ بمباری شروع کی تھی جو ابھی تک جاری ہے۔ جمعہ کے روز اسرائیلی فوج نے غزہ کی پٹی کے شمال میں سرنگوں کا ایک نیٹ ورک تباہ کرنے کے لیے توپ خانے اور جنگی طیاروں سے حملہ کیا۔ یہ بمباری غزہ کی پٹی میں ممکنہ زمینی کارروائی کی راہ ہموار کرنے کے لیے شروع کی گئی ہے۔
