کورٹلہ: 14 /جنوری (واسق الرحمٰن)محمود علی میموریل ٹرسٹ کورٹلہ کی جانب سے کورٹلہ کی ایک سلم بستی جہاں پر صفائی کرمچاری اور غریب مسلمان رہتے ہیں پانی کی قلت کے پیش نظر بورویل کی کنندیگی کی گئی تھی جس پربرقی موٹر نصب کرکے غریب عوام کو پانی سربراہ کیا جارہا ہے۔
جس کا آج مولانا حامد محمد خان امیر جماعت اسلامی ہند حلقہ تلنگانہ و اُڑیسہ نے رکن اسمبلی کورٹلہ کلواکنٹلہ ودیا ساگر راو کے ساتھ مل کر افتتاح انجام دیا واضح رہے کہ ٹرسٹ کی جانب سے کورٹلہ منڈل اور شہر میں تا حال 44بور محمود علی میموریل ٹرسٹ کی کنندیگی عمل میں لائی گئی۔اس موقع پر ودیا ساگر راو اور حامد محمد خان نے ٹرسٹ چیرمین محمد مسعود علی این آر آئی سے اظہار تشکر کرتے ہوئے ٹرسٹ کی جانب سے عوامی فلاح و بہبود کے جو کام کئے جارہے ہیں اس کی ستائش کی۔
اس موقع پر انم انیل صدر ٹی آریس پارٹی کورٹلہ ٹاون ‘محمد ایازکمشنر مجلس بلدیہ کورٹلہ ‘محمد نعیم الدین ناظم ضلع جماعت اسلامی ‘امیر مقامی عبدالطیف ‘الیاس احمد خان سابق امیر مقامی ‘صابر علی کونسلر ‘رفیع مجلسی قائد ‘مولانا شیخ ابراہیم ‘اظہر کورٹلوی کے علاوہ ٹرسٹ کے زمہ داران امجد علی ‘محمد واجد ‘محمد سبیل ‘اور دیگر موجود تھے۔
