پربھنی شدید سردی کی لپیٹ میں
پربھنی (سید یوسف) پربھنی شہر و مضافات میں ان دنوں شدید سردی کی لہر میں اضافہ ہوتا چلا جا رہا ہے – جس سے درجہ حرارت میں گراوٹ ہوتی جا رہی ہے – شدید سردی سے بعض لوگ گھروں میں رہنے کو ترجیح دے رہے ہیں تو وہی دوسری طرف لوگ چہل قدمی کے لیے نکل پڑ رہے ہیں – محکمہ موسمیات کے مطابق 20 دسمبر بروز اتوار پربھنی کا کم از کم درجہ حرارت 7 ڈگری سیلسیس ریکارڈ کیا گیا – جو کہ رواں موسم سرما کا سب سے کم درجہ حرارت قرار دیا گیا ہے – ویسے پربھنی کے نام پر شہر کا سب کم از کم درجہ حرارت 17،جنوری 2003 کو 2.8 ریکارڈ درج ہے – جو اب تک کا سب سے کم اقل ترین درجہ حرارت قرار دیا جا چکا ہے – اسی طرح 2014 کے موسم سرما میں 3.6 کم از کم درجہ حرارت ریکارڈ کیا جا چکا ہے –
پربھنی میں شدید سردی کی وجہ سے بچاؤ کے لیے لوگ الاؤ اور مارننگ واک چہل قدمی کا سہارا لیتے ہوئے نظر آرہے ہیں – اسی طرح شہر کے بیشتر علاقوں میں چائے خانوں پر صبح صادق کے وقت لوگ بابی چائے کی چسکیاں لیتے نظر آرہے ہیں –
عیاں رہے کہ پربھنی شہر میں 11،نومبر 2020 کو 8.0 ڈگری سیلسیس اور 10 نومبر 2020 کو 8.5 ڈگری، 5 دسمبر کو 8.8 ڈگری اور 7 دسمبر کے روز 8.1 ڈگری سیلسیس اور 8 دسمبر کے روز 7.5 ڈگری کم از کم درجہ حرارت ریکارڈ کیا جا چکا ہے – تاہم آج 20 دسمبر کے روز کم از کم درجہ حرارت 7 ڈگری سیلسیس ریکارڈ کیا گیا ہے – جبکہ 19 دسمبر کے روز شہر کا کم از کم درجہ حرارت 12.3 ڈگری سیلسیس ریکارڈ کیا گیا تھا – صرف ایک ہی یوم میں 5.3 ڈگری درجہ حرارت گھٹ گیا ہے – اسی طرح آج ایک ہی دن میں درجہ حرارت کے گھٹنے سے لوگ شدید سردی میں لوگوں کو کپکپاتے ہوئے دیکھا گیا – جس کے سبب شدید سردی کی لہر سے لوگ گرم ملبوسات سویٹر، جیکیٹ اور مفلر کے استعمال پر زور دیتے ہوئے پائے گئے – بہر کیف علاقہ مرہٹواڑہ میں موسم گرما میں ہاٹ سٹی کے نام سے جانے جانیوالا پربھنی شہر اب سب سے کم سردی کے زمرہ میں بھی پہنچ چکا ہے – جہاں رواں موسم سرما میں علاقہ مرہٹواڑہ کی سب کم سردی کا بھی ریکارڈ درج کیا جا رہا ہے – ویسے اب پربھنی علاقہ مرہٹواڑہ میں موسم سرما میں سب کم درجہ حرارت اور موسم گرما میں سب سے زیادہ درجہ حرارت والا ضلع بنتا جا رہا ہے – جسے اب مرہٹواڑہ کا سب سے سرد مقام کہنے میں کوئی حرج نہیں رہا ہے – اب دیکھنا یہ ہے کہ آنے والے دنوں میں پربھنی شہر کا کم از کم درجہ حرارت مزید کتنے نیچے تک گر سکتا ہے – یہ تو آنیوالا وقت ہی بتائے گا –
مزید خبریں
