لگاتار چھٹے دن پٹرول ،ڈیزل کی قیمتوں میں اضافہ

نئی دہلی: (اردودنیا.اِن)آج مسلسل چھٹے روز پٹرول اور ڈیزل کی قیمتوں میں اضافے کے بعد راجستھان میں پٹرول کی قیمت 99 روپے فی لیٹر اورڈیزل کی قیمت 91 روپے تک پہنچ گئی۔

آج پٹرول کی قیمت میں 29 پیسے اور ڈیزل کی قیمت میں 32 پیسے کا اضافہ ہوا ہے۔ اس سے خوردہ قیمت میں اضافہ ہوا ، جو ہر ریاست میں مقامی سیلز ٹیکس اور VAT وغیرہ پر منحصر ہے۔راجستھان حکومت نے پچھلے مہینے پیٹرول اور ڈیزل پر VAT میں 2 فیصد کمی کی تھی۔

اس کے باوجود ، ریاست میں پٹرول پر سب سے زیادہ 36 فیصد ویٹ اور روڈ سیس کا 1500 روپے فی کلولیٹرہے۔ ریاست ڈیزل پر 26 فیصد VAT اور روڈ سیس کے 1،750 روپے فی کلو لیٹر لگا دیتی ہے۔

دہلی میں باقاعدہ پیٹرول 88.73 روپے فی لیٹر ہے جبکہ پریمیم کی قیمت 91.56 روپے ہے۔ معمولی ڈیزل کی قیمت 79.06 روپے کے مقابلے میں برانڈڈ پریمیم ڈیزل 82.35 روپے فی لیٹرپردستیاب ہے۔