چودہ برسوں چلا مقدمہ:عصمت دری کے28 سال بعد مجرم کی سزا میں اضافہ کا ہائیکورٹ کا فیصلہ
ممبئی: 26/ڈسمبر (ایجنسیز ) ممبئی ہائیکورٹ نے ایک فیصلہ میں مجرم کے خلاف14برسوں تک مقدمہ چلنے کے بعد عصمت دری کی واردات کے 28 سال بعد مجرم کی سزا میں اضافہ کیاقانون کے مطابق اپنا فیصلہ صادر کیا۔
مجرم کو سیشن عدالت نے محض تین برسوں کی سزا اور دس ہزار روپیہ جرمانہ عائد کیا تھا
ہائی کورٹ نے اپنے فیصلہ میں تجویز کردہ سزا میں اضافہ کرتے ہوئے مجرم کو سات سال تک جیل میں قید اور ایک لاکھ روپیہ جرمانہ ادا کرنے کا حکم جاری کی۔
جسٹس سادھنہ جادھاو اور جسٹس این جے جعدار پر مشتمل دو رکنی بینچ نے اپنےفیصلے میں کہا کہ سزا جرم کی سنگینی کے مطابق ہونی چاہئے نیز ملزم کی معاشرتی حیثیت بالکل متضاد ہے اور اس نے ایک سنگین جرم کا ارتکاب کیا ہےلہذا ایسے مجرمین سے کوئی نرمی نہیں برتنی چاہئیے
2006 میں سیشن عدالت نے جنوبی ممبئ میں28برسوں قبل ہوئی اس واردات کے ملزم کو سزا تجویز کی تھی جس کے خلاف اس نے ہائی کورٹ میں اپیل داخل کی تھی
ریاستی حکومت نے بھی سیشن عدالت کی جانب سے صرف تین برسوں کی سزا دئے جانے کے عمل کو چیلنج کرتے ہوے سزا میں اور جرمانے میں اضافہ کا مطالبہ کیا تھا جسے عدالت نے منظور کر لیا اور مجرم کو ہدایت دی کہ وہ جرمانے کی رقم متاثرہ خاتون کو ادا کریں نیز اسے حاصل شدہ ضمانت کو منسوخ کرتے ہوے عدالت نے اسے جنوری کے پہلے ہفتے میں خود سپردگی کی ہدایت جاری کی۔
