کرناٹک:چکبلاپور ضلع میں جلیٹن اسٹک دھماکہ سے 6 افراد ہلاک ، دو گرفتار
بنگلورو:(اردودنیا.اِن)کرناٹک میں آج ہونے والے جلیٹن اسٹک دھماکہ میں کم ازکم 6 افراد کے ہلاک ہونے کی اطلاع ہے یہ دھماکہ چکبلاپورضلع کے ہیرے ناگ ولی موضع کی ایک معدن میں ہوا ہے جہاں جلیٹن اسٹک کے اسٹاک میں دھماکہ ہوا اس معاملہ میں پولیس نے دو افراد کو گرفتار کرلیا ہے۔رپورٹس کے مطابق دھماکہ اس وقت ہوا جب جلیٹن کو ایک گاڑی کے ذریعہ منتقل کیے گئے تھے۔اس دھماکہ اور اموات کے بعد پرسیندرا پولیس اسٹیشن میں ایک کیس درج رجسٹر کرتے ہوئے تحقیقات کا آغاز کردیا گیا ہے۔
پولیس کے بموجب فارنسک ٹیم کوجائے حادثہ پر طلب کرلیا گیا ہے ۔ پولیس نے میڈیا کو بتایا کہ دھماکہ اتنا خطرناک تھا کہ گاڑی اور نعشوں کے پرخچے اُڑگئے ہیں اور نعشوں کی شناخت میں مشکل پیش آرہی ہے۔
وزیر صحت کرناٹک و انچارج وزیر چکبلاپورضلع کے۔ سدھاکر اطلاع پر جائے مقام پر پہنچ گئے ہیں ۔انہوں نے کہا ہے کہ اس معاملہ کے ذمہ داران کے خلاف سخت کارروائی کی جائے گی اور اس سلسلہ میں پولیس تحقیقات میں مصروف ہے۔
وزیر صحت نے کہا کہ وہ اس حادثہ کی تفصیلات سے وزیر اعلیٰ کرناٹک بی ایس ایڈی یورپا کو واقف کرواچکے ہیں اور اس سلسلہ میں پولیس نے دو افراد کو گرفتار کرلیا ہے وزیر اعظم نریندر مودی اور وزیر اعلیٰ کرناٹک بی ایس ایڈی یورپا کے بشمول دیگر نے اس دھماکہ میں ہلاکتوں پر افسوس ظاہر کرتے ہوئے زخمیوں کی عاجلانہ صحتیابی کیلئے نیک خواہشات پیش کی گئی ہیں اور مہلوکین کے افرادخاندان سے تعزیت کا اظہار کیا گیا ہے۔
وزیر اعلیٰ کرناٹک بی ایس ایڈی یورپانے کہا ہے انہوں نے وزیر صحت کرناٹک و انچارج وزیر چکبلاپورضلع کے۔ سدھا اور اعلیٰ پولیس عہدیداروں سے اس دھماکہ کی تفصیلات حاصل کی ہیں۔اورپولیس اس معاملہ میں تحقیقات کررہی ہے ۔
ابتدائی اطلاعات میں بتایا جارہا ہے کہ جلیٹن اسٹک کانکنی کی غرض سے منتقل کیے جارہے تھے۔
کرناٹک کے وزیر اعلی نے غیر قانونی کھدائی کے معاملے پر برہمی کااظہار کیا ، حکومت کا کہنا ہے کہ سخت کارروائی کا آغاز کیا جائے گا۔تاہم ، جب میڈیا نے وزیر اعلی پر دباؤ ڈالنے کے لئے غیرقانونی کھدائی اور جلیٹن لاٹھیوں کے استعمال کو روکنے کے لئے فوری طور پر دباؤ ڈالا جس نے شیموگہ اور چکلبا پورہ کے دو واقعات میں کم از کم 10 افراد کی جانیں لی ہیں ، تو یدیورپا نے اپنا صبر کھو دیا اور کہا: "میں کیا کرسکتا ہوں؟ ؟ کیا ہم نے انہیں صبح سویرے وہاں جاکر جھگڑا کرنے کو کہا تھا؟
اگر آپ میرے عہدے پر ہوتے تو آپ (میڈیا) کیا کرتے؟
اپوزیشن لیڈر سدارامیاہ کے حکومت کی جانب سے غیر قانونی کھدائی کی روک تھام کو روکنے میں ناکام رہ جانے اور چھ مزدوروں کی ہلاکت بدعنوان بی جے پی حکومت کا نتیجہ ہے کے بارے میں ایک بیان پر ردعمل کا اظہار کرتے ہوئے ، یدیورپا نے کہا: "سدرمامیا کا کام تنقید کرنا ہے اور وہ جاری رکھیں گے۔
