احمد آباد:26/ڈسمبر(ایجنسیز)گجرات میں 121 کروڑ روپئے کے بینک فراڈ کیس میں سی بی آئی کے پانچ مقامات پر چھاپے مارنے کی اطلاعات ہیں۔ دھوکہ دہی کا یہ کیس تین سال پرانا ہے۔ موصولہ خبر کے مطابق ، سی بی آئی نے 121 کروڑ روپئے کے بینک فراڈ کیس میں سوریہ ایکسیم لمیٹڈ اور اس کے ڈائریکٹرز کے خلاف مقدمہ درج کرنے کے بعد جمعرات کے روز گجرات کے نوساری اور سورت میں پانچ مقامات پر چھاپے مارے۔ یہ معاملہ 2017-1919 کا ہے۔حکام نے بتایا کہ سی بی آئی نے کمپنی اور اس کے ڈائریکٹرز کے خلاف کینارا بینک کی شکایت پر مقدمہ درج کیا۔ سی بی آئی کے ترجمان آر کے گور نے بتایا کہ 2017-19 کے دوران ملزموں نے کینارا بینک سمیت بینکوں کے گروپ کو دھوکہ دینے کی سازش کی۔121.05 کروڑ روپے کی رقم کا فراڈ اور دھوکہ دہی۔ انہوں نے کہا کہ کمپنی کو بینکوں کے گروپ سے قرض ملا لیکن اس گروپ ممبر بینکوں سے این او سی لئے بغیر نجی بینکوں میں اکاؤنٹ کھولے اور انھیں رقم نکلوانے کے لئے استعمال کیا گیا۔انہوں نے کہا کہ اکاؤنٹ این پی اے بن گیا ہے جس کی وجہ سے بینکوں کے گروپ کو تقریبا 121.05 کروڑ روپے کا نقصان ہوا ہے۔ انہوں نے بتایا کہ سورت اور نوساری میں پانچ مقامات پر چھاپوں کے دوران ٹھوس شواہد ملے ہیں۔
