غزہ: (ایجنسیاں)اسرائیلی فوج کی حراست میں قید و بند کی صعوبتیں جھیلنے والے فلسطینی کی20 سال بعد رہائی پر والہانہ استقبال کیا گیا۔اسرائیلی فوج کی حراست میں قید و بند کی صعوبتیں جھیلنے والے فلسطینی کی20 سال بعد رہائی پر والہانہ استقبال کیا گیا۔اسرائیلی فوج کی زیرحراست فلسطینی کی 20 سال بعد رہائی اہلیہ نے دلہن کی طرح سج سنور کر شوہر کا استقبال کیا،
مجد بربر کے خاندان سے ملاپ کے منظر نے دیکھنے والوں کی آنکھیں خوشی سے پُرنم کردیں۔مقبوضہ بیت المقدس کے مجد بربر یو کو اسرائیل کے خلاف مزاحمت کے الزام میں2001ء میں بیس سال قید کی سزا ہوئی تھی۔سزا کے وقت مجد بربر کی بیٹی پندرہ دن کی اور بیٹا چار سال کا تھا۔فلسطین میں ہزاروں خاندان اسرائیل کی قید میں موجود اپنے پیاروں سے ایسے ہی ملاپ کے منتظر ہیں۔
رہائی کے فوری بعد گھر سے اٹھا لیا
قابض صہیونی فوج نے مقبوضہ بیت المقدس سے تعلق رکھنے والے فلسطینی مجد بریر کو 20 سال قید کے بعد رہائی کے چند گھنٹوں بعد دوبارہ گرفتار کرلیا۔اطلاعات کے مطابق مجد بریر کو اسرائیلی فوج نے منگل کے روز سلوان کے مقام پر فلسطینی شہری مجد بریرکے گھر پر چھاپہ مارا اور گھر میں موجود ان کے بچوں کو زدو کوب کیا اور اس کے بعد سابق اسیر مجد بریر کو گرفتار کرکے نامعلوم مقام پر منتقل کردیا گیا۔
ہلال احمر فلسطین کے مطابق مجد بریر کی گرفتاری کیخلاف فلسطینیوں نے اسرائیلی فوج کیخلاف مظاہرہ کیا تو قابض فوج نے مظاہرین پر آنسوگیس کی شیلنگ اور دھاتی گولیوں کی فائرنگ کی۔ فائرنگ کے نتیجے میں کم سے کم 12 افراد زخمی ہوگئے۔ ہلال احمر کے مطابق زخمی ہونے والے متعدد فلسطینیوں کو فوری طبی امداد فراہم کی گئی۔
اسرائیلی فوج نے مجد بریر کی رہائش گاہ پر اس کی رہائی کی خوشی میں جمع ہونے والے فلسطینیوں پر لاٹھی چارج بھی کیا۔خیال رہے کہ مجد بریر کو اسرائیلی جیل سے 20 سال کے بعد رہا کیا تھا۔ اسے 30 مارچ 2001کو عوامی محاذ برائے آزادی فلسطین کے ساتھ تعلق کے الزام میں گرفتار کرکے جیل میں ڈال دیا تھا۔ مجد بریر شادی شدہ تھے اور اس وقت ان کا ایک بیٹا اور ایک بیٹی تھی۔ بیٹی کی عمر صرف 15 دن تھی۔ آج یہ دونوں بچے جوان ہیں۔
