جانیں کون ہیں گرنور برار؟ عمدہ بالنگ اور بیٹنگ میں ہیں ماہر

نئی دہلی ، 29اپریل :(اردودنیانیوز.کام/ایجنسیز) 22 سالہ گرنور برار Gurnoor Singh Brar کو پنجاب کنگز Punjab Kings نے زخمی فاسٹ بولر راج باوا  کی جگہ ٹیم میں شامل کیا ہے۔ راج باوا کو پنجاب نے نیلامی میں 2 کروڑ میں خریدا تھا۔ راج باوا نے بھارت کو انڈر 19 ورلڈ کپ چمپئن بنانے میں اہم کردار ادا کیا۔ ان کی جگہ پنجاب نے 20 لاکھ میں گرنور کو جوائن کیا ہے۔گورنور برار لکھنؤ سپر جائنٹس کے خلاف اپنے پہلے میچ میں انہوں نے 3 اوورز کی باؤلنگ میں 42 رنز دیئے، لیکن انہیں کوئی کامیابی نہیں ملی۔ پنجاب کی اننگز کا پہلا اوور کپتان شیکھر دھون کو گرنور نے کرایا۔

گرنور کی پہلی ہی گیند پر مخالف ٹیم کے کپتان کے ایل راہل کو اتھروا تائیڈے نے آؤٹ کیا۔ تیز گیند بازی کے علاوہ گرنور لوئر آرڈر میں بیٹنگ کرنے کی صلاحیت بھی رکھتے ہیں۔انہوں نے سال 2022 میں فرسٹ کلاس کرکٹ میں ڈیبیو کیا ہے۔ اسی سال 2023 میں جموں و کشمیر کے خلاف انہوں نے پنجاب کے لیے 9ویں نمبر پر 64 رنز بنائے۔ پنجاب کے تیز گیند باز نے ریلوے کیخلاف اپنے پہلے میچ میں 16 رنز دے کر 4 وکٹیں حاصل کی ہیں۔ انہوں نے اپنی 12.3 اوورز کی گیند بازی میں 5 میڈنز بھی پھینکے۔ گرنور نے ریلوے کو 102 رنز پر آؤٹ کرنے میں اہم کردار ادا کیا۔گرنور اب تک 5 فرسٹ کلاس میچوں میں 7 وکٹیں لے چکے ہیں۔ اس دوران انہوں نے 107 رنز بنائے جس میں 64 رنز ان کا بہترین اسکور رہا۔ سال 2019 میں گرنور ریڈ بل کیمپس جیتنے والی ٹیم کے رکن تھے۔ وہ راجستھان رائلز کے اسکاؤٹس بھی رہ چکے ہیں، حالانکہ راجستھان نے انہیں اسکواڈ میں جگہ نہیں دی تھی۔