شیعہ رہنما فوری طور پر لبنانی ریاست کی وفاداری کا عہد کریں: علامہ علی الامین

بیروت،25نومبر ( ایجنسیز) لبنان کے سرکردہ شیعہ رہ نما علی الامین نے شیعہ برادری کی قیادت کرنے والے رہ نماؤں سے مطالبہ کیا کہ وہ فوری طور پر لبنانی ریاست کے ساتھ وفاداری کا اعلان کریں، گروہوں کو ترک کرکے اپنے وسائل اور توائیاں ریاست کی خودمختاری کے لیے وقف کریں۔

لبنانی شیعہ رہ نما علی الامین نے شیعہ برادری کے ارکان سے مطالبہ کیا کہ وہ اپنے رہ نماؤں سے اس تباہی کی وجوہات کے بارے میں سوالات کریں جن کی وجہ سے آج لبنان اس حال میں ہے۔

علامہ علی الامین نے عراق میں شیعہ برادری سے مطالبہ کیا کہ وہ لبنان میں شیعوں کی حالت پر غور کریں اور لبنان کے سیاسی رہ نماؤں کو یہ ہدایت جاری کرے کہ لبنانی ریاست اکیلے سکیورٹی کی ذمہ دار ہے۔شیعہ مرجع علی الامین نے زور دیا کہ لبنان سے حزب اللہ کی طرف سے کھولے گئے سپورٹ فرنٹ سے غزہ کی پٹی کو کوئی فائدہ نہیں ہوا، بلکہ اس کا الٹا نقصان ہوا۔ انہوں نے کہا کہ لبنان کو ایک متحد ریاست ہونی چاہیے۔

انہوں نے اپنی سرکاری ویب سائٹ پر شائع ہونے والے ایک بیان میں زور دیا کہ فرقے، گروہ اور جماعتیں ملک کی حفاظت نہیں کرتیں، بلکہ قومی اتحاد اور انصاف پسند ریاست کی حفاظت کرتی ہیں۔انہوں نے واضح کیا کہ شیعہ فرقہ کسی ایک وطن، بقائے باہمی اور اداروں اور قانون کی ریاست پر یقین رکھنے میں دوسرے فرقوں سے اپنی خواہشات سے انحراف نہیں کرتا۔

انہوں نے کہا کہ قوم کی تعمیر کی ذمہ داری تمام لبنانیوں پر عائد ہوتی ہے۔ انہوں نے لبنانیوں پر زور دیا کہ وہ فرقہ واریت اور عصبیت سے نکل کر بقائے باہمی کی طرف بڑھیں۔علی الامین نے سیاسی اختلافات کو فرقوں کے درمیان تعلقات سے الگ کرنے پر زور دیا۔

انہوں نے لبنانی فرقوں کے درمیان اختلاف کے بیج بونے کے منصوبوں کو ناکام بنانے کی ضرورت پر زور دیا۔انہوں نے کہا کہ”نوجوانوں کی بیداری قوم کو نشانہ بنانے والے منصوبوں کو ناکام بنانے کی ضمانت ہے۔