دہلی اسمبلی انتخابات کی تاریخوں کا اعلان 5 فروری کو ہوگی ووٹنگ، 8 تاریخ کو آئیں گے نتائج

نئی دہلی، 7جنوری:(اردودنیا.اِن/ایجنسیز)دہلی میں اسمبلی انتخابات کا بگل بج گیا ہے۔ الیکشن کمیشن نے تاریخوں کا بھی اعلان کر دیا۔ ووٹنگ 5 فروری کو ہوگی اور ووٹوں کی گنتی 8 فروری کو ہوگی۔ 70 اسمبلی سیٹوں کے انتخابات کی تاریخوں کے اعلان کے ساتھ ہی دہلی میں ماڈل ضابطہ اخلاق نافذ ہو گیا ہے۔وہیںانتخابی تاریخوں کا اعلان کرتے ہوئے چیف الیکشن کمشنر راجیو کمار نے ووٹر لسٹ سے نام حذف کرنے کے الزامات پر اپنی بات رکھی۔انہوں نے کہا کہ بغیر پروسس کے ووٹر لسٹ سے نام ڈیلٹ نہیں ہوتا ہے۔کسی نام کو نہیں کرنے کا ایک مکمل عمل ہے۔پیش ہوئے بغیر ووٹر کا نام ووٹر لسٹ سے نہیں کاٹا جاتا ہے۔ووٹر لسٹ بی ایل او کے ذریعے تیار کی جاتی ہے۔ای وی ایم کی ہیکنگ سے متعلق اٹھائے جانے والے سوالات کا جواب دیتے ہوئے چیف الیکشن کمشنر نے کہاکہ ای وی ایم کو کسی بھی طرح سے ہیک نہیں کیا جا سکتا ہے۔ای وی ایم انتخابات کا سب سے محفوظ طریقہ ہے۔

سپریم کورٹ نے کہا ہے کہ ای وی ایم کو ہیک نہیں کیا جا سکتا ہے۔ای وی ایم سے چھیڑ چھاڑ کے تمام الزامات جھوٹے ہیں۔ووٹنگ فیصد کے ساتھ چھیڑ چھاڑ ممکن نہیں ہے۔گنتی سے پہلے ای وی ایم کی سیل کی جانچ کی جاتی ہے۔الیکشن کمیشن کی طرف سے جاری حتمی فہرست کے مطابق اس بار دہلی کے کل 1 کروڑ 55 لاکھ 24 ہزار 858 ووٹروں کے نام شامل ہیں، جن میں اگر مرد ووٹرز کی بات کریں تو یہ تعداد 83 لاکھ 49 ہزار 645 ہے۔

خواتین ووٹرز کی تعداد 71 لاکھ 73 ہزار 952 ہے۔ جبکہ 1,261 تھرڈ جینڈر کیووٹرز ہیں۔ اس الیکشن میں پہلی بار 2 لاکھ ووٹر ووٹ ڈالیں گے۔ دہلی میں کل 13 ہزار 33 پولنگ بوتھ بنائے گئے ہیں۔ 85 سال سے زائد عمر کے بزرگ گھر بیٹھے ووٹ ڈال سکیں گے۔آپ کو بتا دیں کہ دہلی میں اسمبلی کی 70 سیٹیں ہیں۔ گزشتہ انتخابات میں عام آدمی پارٹی نے 62 سے زیادہ سیٹیں جیتی تھیں۔ 2015 میں، اروند کجریوال کی پارٹی نے 67 سیٹوں پر بھاری جیت درج کرکے تاریخ رقم کی تھی۔

ایلون مسک کو ہندوستانی الیکشن کمشنر کا جواب ہندوستان میں نہیں ،امریکہ میں ای وی ایم کو کیا جاسکتا ہے 

نئی دہلی ، 7جنوری :(اردودنیا.اِن/ایجنسیز)الیکشن کمیشن نے ان دعوؤں کو خارج کر دیا ہے کہ الیکٹرانک ووٹنگ مشینوں کو ہیک کیا جا سکتا ہے۔ کمیشن کا کہنا ہے کہ ای وی ایم کے ساتھ چھیڑ چھاڑ ممکن نہیں ہے، پچھلے سال لوک سبھا انتخابات کے نتائج کے بعد، ٹیسلا اور اسپیس ایکس کے مالک اور دنیا کے سب سے امیر شخص ایلون مسک نے الیکٹرانک ووٹنگ مشینوں (ای وی ایم) کی حفاظت پر سوال اٹھائے تھے۔ انہوں نے کہا تھا کہ ای وی ایم کو ہیک کیا جا سکتا ہے۔ایلن مسک نے گزشتہ سال 15 جون 2024 کو ایک ٹویٹ میں کہا تھا کہ ای وی ایم کے استعمال کو ختم کر دینا چاہیے۔

اسے کسی بھی انسانی یا مصنوعی ذہانت یعنی اے آئی کے ذریعے ہیک کیا جا سکتا ہے۔اب اس سلسلے میں راجیو کمار نے منگل کو دہلی اسمبلی انتخابات کے اعلان کے لیے بلائی گئی پریس کانفرنس میں ایک جوابی بیان دیاہے تاہم چیف الیکشن کمشنر نے کسی کا نام نہیں لیا۔ لیکن انہوں نے صرف اشاروں سے جواب دیا۔ انہوں نے کہا کہ ایک ٹیکنولوجسٹ ہے جو ای وی ایم پر سوال اٹھا رہا ہے۔ اس حوالے سے ان کا کہنا تھا کہ وہ جو کہہ رہے ہیں وہ امریکہ میں بھی ہو سکتا ہے جہاں مختلف الیکٹرانک طریقوں سے ووٹنگ کی جا تی ہے۔ وہاں کی مشینیں انٹرنیٹ سے جڑی رہتی ہیں۔ لیکن ہندوستان میں ایسا ممکن نہیں ہے۔الیکشن کمیشن نے کہا کہ ہندوستان کی ای وی ایم کے ساتھ چھیڑ چھاڑ نہیں کی جا سکتی، انہوں نے کہا کہ سپریم کورٹ نے کئی بار کہا ہے کہ اسے ہیک نہیں کیا جا سکتا، یہ الزام مکمل طور پربے بنیاد ہے۔