تانڈو ویب سیریز تنازعہ، سپریم کورٹ کا حکم
نئی دہلی: (اردودنیا.اِن)ویب سیریز تانڈو سے متعلق کیس میں سپریم کورٹ نے ایمیزون پرائم ویڈیو کی سربراہ کو گرفتاری سے تحفظ فراہم کیا ہے ، یعنی پولیس اسے گرفتار نہیں کرسکتی ہے۔ اس کے ساتھ ہی عدالت نے اپارنا سے تحقیقات میں تعاون کرنے کو کہا ہے۔ تانڈو میں متنازعہ مناظر سے متعلق لکھنؤ میں ایف آئی آر میں اپرنا کا نام بھی شامل ہے۔ ان کے خلاف انہوں نے الہ آباد ہائی کورٹ میں پیشگی ضمانت دائر کی ،
جسے ہائی کورٹ نے مسترد کردیاہے۔ اس کے بعد انہوں نے سپریم کورٹ میں درخواست دائر کی۔ جمعہ کو عدالت نے اپرنا کو تحفظ فراہم کیا اور ان کی درخواست پر اترپردیش حکومت سے جواب طلب کیا ہے۔سپریم کورٹ نے او ٹی ٹی پلیٹ فارمس کے ریگولیشن کے لئے مرکزی حکومت کی نئے رہنما خطوط پر بھی برہمی کا اظہار کیا ہے۔
عدالت نے جمعہ کے روز کہا کہ ان رہنما خطوط میں کوئی دم نہیں ہے ، کیونکہ ان کے پاس قانونی چارہ جوئی کا کوئی بندوبست نہیں ہے۔ نیز یہ بھی کہا کہ او ٹی ٹی پلیٹ فارمز کوکنٹرول کرنے کے لئے ہدایات کے بجائے قوانین وضع کیا جانا چاہئے۔اس معاملے میں حکومت کے لئے پیش ہوتے ہوئے تشار مہتا نے کہا کہ حکومت صحیح اقدامات اٹھانے پر غور کرے گی۔
