مشہور گلوکار کے یہودیوں سے نفرت اور ہٹلر سے محبت والے بیان پر ہنگامہ

لندن،10فروری :(اردودنیا.اِن/ایجنسیز)گذشتہ دو دنوں کے دوران مشہور امریکی ریپر اور گلوکار کنیے ویسٹ  Kanye West نے قیاس آرائیوں کی لہر دوڑانے کے بعد دنیا بھر بالخصوص امریکہ میں اپنے مداحوں کو چونکا دیا ہے۔عجیب و غریب ٹویٹس کا ایک سلسلہ جو اس نے اپنے ’ایکس‘ اکاؤنٹ پر گذشتہ جمعہ سے لے کر کل اتوار تک پوسٹ کیا ، اس نے اپنے فالورز اور مداحوں کو حیران کردیا۔اس نے ایک سے زیادہ ٹویٹس میں یہودیوں کے لیے اپنی نفرت کا رظہار کرتے ہوئے ان پر سخت تنقید کی۔اپنے ایک تبصرے میں اس نے جرمن نازی رہنما ایڈولف ہٹلر سے اپنی محبت کا اعلان کیا۔اس نے 2023ء میں کی گئی معافی کو بھی واپس لے لیا۔

دو سال قبل اس وقت سامی مخالف اور نازی نواز کے طور پر بیان کردہ سلسلہ وار بیانات دینے پر تنقید کا نشانہ بننے کے بعد ایڈیڈاس سمیت کئی کمپنیوں نے اس کے ساتھ تعلقات منقطع کرنے کا اعلان کیا تھا۔انہوں نے لکھا کہ میں یہودیوں کے بارے میں اپنے ماضی کے تبصروں پر کبھی معافی نہیں مانگتا۔یہ بات قابل غور ہے کہ کنیے نے تقریباً دو سال قبل اس بات پر زور دیا تھا کہ وہ یہودیوں کو ناراض کرنے کا ارادہ نہیں رکھتے تھے۔

انہوں نے اس بات پر زور دیا وہ اپنے الفاظ اور بیانات پر یہودیوں کو پہنچنے والی تکلیف پر معذر خواہ ہیں۔دیگر پوسٹس میں اس نے کئی موضوعات پر بات کی ،جن میں ایلون مسک اور ان کی ”نازی سلامی” کے ساتھ ساتھ بیانکا سنسوری اور وہ شفاف لباس جو اس نے گذشتہ اتوار کو گریمی ایوارڈز میں ریڈ کارپٹ پر پہنا تھا پر تنقید کی۔انہوں نے اس ہفتے ایک ریڈیو انٹرویو میں اس کی تردید کرتے ہوئے کہا کہ انہیں آٹزم کی غلط تشخیص ہوئی ہے۔