20 برس بعد رہا ہونے والا فلسطینی قیدی گھر کی چھت سے گرکر جاں بحق
نائل سلامہ نے 21 سال اسرائیلی جیلوں میں گزارے تھے۔
العیساویہ:(اردودنیا.اِن/ایجنسیز) مشرقی القدس کے قصبے العیساویہ میں رہائی پانے والے ایک فلسطینی قیدی اپنے گھر کی چھت سے گر کر جاں بحق ہوگیا۔فلسطینی نیوز اینڈ انفارمیشن ایجنسی (وفا) نے مقامی ذرائع کے حوالے سے بتایا کہ ایڈیٹر نائل سلامہ عبید مقبوضہ بیت المقدس کے شمال مشرق میں واقع قصبے العیساویہ میں اپنے گھر کی چھت سے گر کر جاں بحق ہوئے۔ذرائع نے بتایا کہ 46 سالہ نائل عبید کو گزشتہ ہفتے حماس اور اسرائیل کے درمیان جنگ بندی معاہدے کے پہلے مرحلے کے تحت 21 سال جیل میں گزارنے کے بعد رہا کیا گیا تھا۔
نائل سلامہ نے 21 سال اسرائیلی جیلوں میں گزارے تھے۔ اپنی قید کے دوران، عبید کو مبینہ طور پر صحت کے سنگین مسائل کا سامنا کرنا پڑا اور انھوں نے اس دوران اپنے خاندان کے کسی بھی فرد سے ملنے سے انکار کر دیا تھا۔ نائل سلامہ عبید القسام بریگیڈ کے رکن تھے۔ عبید کو 2004 میں گرفتار کیا گیا تھا اور سخت اور طویل پوچھ گچھ کے بعد حماس کے عسکری ونگ القسام بریگیڈ سے وابستگی کے الزام میں مسلسل 7 عمر قید اور 30 سال قید کی سزا سنائی گئی تھی۔
