امریکی کھلاڑی کا کارنامہ! سپر ماریو برادرز اسپیڈرن میں نیا عالمی ریکارڈ

واشنگٹن :(اردودنیا.اِن/ایجنسیز)امریکی گیمر نفٹسکی نے مشہور کلاسک گیم سپر ماریو بروس (1985) کو محض 4 منٹ 54.565 سیکنڈز میں مکمل کر کے نیا گبنیز ورلڈ ریکارڈ بنا لیا۔ یہ ایک حیرت انگیز کارنامہ ہے جس میں ہر ملی سیکنڈ کی بہتری نے بڑا کردار ادا کیا۔

نفٹسکی کی انتھک محنت اور مستقل مزاجی

نفٹسکی پہلے بھی مختلف ویڈیو گیمز میں ریکارڈ قائم کر چکے ہیں۔ اس نئی کامیابی پر بات کرتے ہوئے انہوں نے کہا:”اس ریکارڈ کو حاصل کرنے کے لیے سالوں کی محنت اور مسلسل مشق شامل تھی۔ میں اب اس قول کو حقیقت مانتا ہوں کہ پریکٹس ہی کامل بناتی ہے۔"

انہوں نے سپیڈ رننگ (Speedrunning) کے دوران مختلف تکنیکوں کا استعمال کیا تاکہ ہر لمحے کو بہتر بنا کر بہترین کارکردگی حاصل کی جا سکے۔

سخت مشق اور گبنیز ورلڈ ریکارڈ

گبنیز ورلڈ ریکارڈز سے بات کرتے ہوئے نفٹسکی نے انکشاف کیا:”میں اپنی کارکردگی کو بہتر بنانے کے لیے اپنا 90 فیصد وقت صرف پریکٹس پر صرف کرتا تھا۔ یہی مستقل مزاجی اور محنت مجھے اس مقام تک لے کر آئی ہے، لیکن میں اب بھی اپنے وقت سے مطمئن نہیں ہوں۔”

ایمولیٹر اور کی بورڈ کا استعمال

اس ریکارڈ بریکنگ رن کے دوران نفٹسکی نے ایمولیٹر اور کمپیوٹر کی بورڈ کا استعمال کیا، جو کہ گیمنگ کی دنیا میں ایک مقبول طریقہ ہے۔ یہ ٹیکنیک گیمرز کو زیادہ کنٹرول اور درستگی فراہم کرتی ہے، جس سے سپیڈ رننگ میں بہترین نتائج حاصل کیے جا سکتے ہیں۔

🌍 اردو دنیا نیوز کے ساتھ باخبر رہیں!

تازہ ترین اردو خبریں، عالمی واقعات، سائنس، ٹیکنالوجی، اور دلچسپ موضوعات کے لیے "اردو دنیا نیوز” واٹس ایپ گروپ جوائن کریں۔ جڑیں ایک ایسی کمیونٹی سے جو اردو سے محبت کرتی ہے!

گروپ جوائن کرنے کے لیے لنک پر کلک کریں:
🔗 اردو دنیا نیوز واٹس ایپ گروپ