لدھیانہ میں ہولی کے دوران کشیدگی، مسجد کے قریب پتھراؤ، 2 گرفتار
لدھیانہ میں ہنگامہ آرائی، ہولی کی تقریبات کے دوران پتھراؤ سے کئی زخمی
لدھیانہ:(اردودنیا.اِن/ایجنسیز)لدھیانہ کے فوکل پوائنٹ کی بہاری کالونی میں ہولی کے موقع پر ایک مسجد کے قریب پتھراؤ کے بعد دو گروپوں کے درمیان کشیدگی پیدا ہو گئی۔ اس واقعے میں 10 افراد زخمی ہو گئے جبکہ پولیس نے دو افراد کو گرفتار کر لیا ہے۔ذرائع کے مطابق ہولی کی تقریبات کے دوران ڈی جے پر میوزک بجانے پر دو گروپوں میں تلخ کلامی ہوئی جو بعد میں شدید جھگڑے میں تبدیل ہو گئی۔ دونوں فریقین نے ایک دوسرے پر اینٹیں، پتھر اور بوتلیں پھینکیں، جس سے کئی لوگ زخمی ہو گئے اور کچھ گاڑیوں کو بھی نقصان پہنچا۔
پولیس کی کارروائی
پولیس کے مطابق، واقعہ کی اطلاع ملتے ہی اعلیٰ افسران موقع پر پہنچ گئے اور حالات کو قابو میں کر لیا۔ اے ڈی سی پی پربھجوت سنگھ نے بتایا کہ دو افراد جو باہر سے کام کے لیے آئے تھے، نشے کی حالت میں پتھراؤ کرنے لگے، جس کے بعد جھگڑا شدت اختیار کر گیا۔ پولیس نے سات افراد کو حراست میں لے کر تحقیقات شروع کر دی ہیں۔
مسلم کمیونٹی کا مطالبہ
واقعہ کے بعد مسلم کمیونٹی نے انتظامیہ سے مطالبہ کیا کہ واقعہ میں ملوث افراد کے خلاف سخت کارروائی کی جائے اور علاقے میں سیکیورٹی مزید سخت کی جائے۔
ایڈیشنل ڈپٹی کمشنر آف پولیس پی ایس ورک نے بتایا کہ علاقے میں پولیس کی بھاری نفری تعینات کر دی گئی ہے اور حالات قابو میں ہیں۔
पंजाब : लुधियाना में होली और जुमे पर (14 मार्च को) दो पक्ष भिड़े, खूब पथराव हुआ। कई वाहनों में तोड़फोड़ हुई। मस्जिद के शीशे भी टूटे हैं। मुस्लिम पक्ष का कहना है कि नमाज पढ़ते वक्त उन पर पत्थर फेंके गए। हिंदू पक्ष का आरोप है पहले मस्जिद की तरफ से पथराव शुरू हुआ। pic.twitter.com/LJE53w754G
— Sachin Gupta (@SachinGuptaUP) March 15, 2025
🌍 اردو دنیا نیوز کے ساتھ باخبر رہیں!
گروپ جوائن کرنے کے لیے لنک پر کلک کریں:
🔗 اردو دنیا نیوز واٹس ایپ گروپ
