نئی دہلی:(اردودنیا.اِن)دہلی کے نائب وزیر اعلی اور وزیر خزانہ منیش سسودیا نے آج مالی سال 2021-22 کے لئے دہلی کا بجٹ جاری کیا ہے۔ اسمبلی میں منیش سسودیا نے اعلان کیا ہے کہ دہلی کے تمام سرکاری اسپتالوں میں کورونا وائرس کی ویکسین مفت دی جائے گی۔ دہلی حکومت نے ویکسین کے لئے 50 کروڑ کا بجٹ جاری کیا ہے۔
#COVID19 vaccines will be available free of cost for people of Delhi in government hospitals in the UT, we have allotted Rs 50 crores budget for the same. Soon, per day vaccination will be increased to 60,000 from 45,000: Delhi Deputy CM Manish Sisodia in Assembly pic.twitter.com/6V2GlFYpUT
— ANI (@ANI) March 9, 2021
کل بجٹ 69 ہزار کروڑ ہے۔ بڑی بات یہ ہے کہ یہ بجٹ گزشتہ کے مقابلے چار ہزار کروڑ زیادہ ہے۔بجٹ تقریر کے دوران منیش سسودیا نے کہا کہ ہم نے 6 سالوں میں صحت کی خدمات کو مضبوط کیا ہے۔ سال 1951 کے اعداد و شمار کے مطابق دہلی میں 12 سرکاری اسپتال تھے لیکن آج کل 38 کثیر القومی اسپتال ہیں۔ اس دوران سسودیا نے گذشتہ سال کورونا کے خلاف لڑنے والے ڈاکٹروں ، نرسوں اور ہیلتھ ورکرز کا شکریہ ادا کیا ہے۔سسودیا نے کہا کہ ویکسین دستیاب ہونے کے بعد کورونا وبا کی روک تھام کی امید پیدا ہوئی ہے۔
فی الحال دہلی میں روزانہ 45 ہزار ویکسین لگانے کی گنجائش ہے ، جسے بڑھا کر 60 ہزار کردیا جائے گا۔ فی الحال ریاست میں 250 روپئے میں یہ ویکسین دستیاب ہے۔ لیکن اب دہلی کے تمام سرکاری اسپتالوں میں مفت ویکسین دستیاب ہوگی۔ سیسودیا نے کہا کہ حکومت دہلی کے عوام کے معیار زندگی اور ان کی فی کس آمدنی میں اضافے کے عہد کے ساتھ کام کر رہی ہے۔ سال 2047 تک سنگاپور کے فی کس کی آمدنی کے برابر کرنے کا ہدف ہے۔ تقریبا 16 گنا اضافہ کرنا ہوگا ،
مشکل ہدف لیکن ہم اسے پورا کریں گے۔کیجریوال حکومت نے اس بجٹ کو محب وطن بجٹ کا نام دیا ہے۔ سسودیا نے کہا کہ ہم اس پورے سال کو آزادی کے تہوار کے طور پر منائیں گے۔ آزادی کا یہ تہوار 75 ہفتوں تک جاری رہے گا ، جو 12 مارچ سے شروع ہوگا اور 15 اگست 2022 تک منایا جائے گا۔
دہلی بجٹ: خواتین کے لئے کھلیں گے خصوصی محلہ کلینک ، سب کو ملے گاہیلتھ کارڈ
ڈپٹی سی ایم اور وزیر خزانہ منیش سسودیا نے کہا کہ حکومت دہلی کی مختلف کالونیوں میں مراقبہ اور یوگا انسٹرکٹر مہیا کرے گی ، شہدا کے لواحقین کے لئے 26 کروڑ کا بجٹ تجویز کیا گیا تھا ، 75 سال سے زائد عمر والے شہریوں کا اعزاز دینے کے لیے پورے دہلی میں پروگرام منعقد ہوں گے۔
ڈپٹی سی ایم اور وزیر خزانہ منیش سسودیا نے کہا کہ دہلی کے ہر شہری کو ہیلتھ کارڈ دیا جائے گا اور ہر شخص کا آن لائن ڈیٹا دستیاب ہوگا ، پرانے علاج کی ہر معلومات اسپتال میں دستیاب ہوگی۔
دہلی میں تعمیر ہوگا دنیا کا پہلا ورچوئل ماڈل اسکول ، کہیں سے بھی اٹھا سکیں گے فائدہ
منیش سسودیا نے ایک بڑا اعلان کرتے ہوئے کہا کہ ورچوئل ماڈل اسکول دہلی میں شروع کیا جائے گا ، جس کا فائدہ دنیا میں رہنے والا کوئی بھی شخص اٹھاسکتا ہے۔اس سلسلے میں مزید معلومات دیتے ہوئے نائب وزیر اعلی نے کہا کہ ورچوئل ماڈل اسکول دہلی میں شروع کیا جائے گا۔ یہ دنیا میں اپنی نوعیت کا پہلا اسکول ہوگا ، جہاں کوئی چہار دیواری نہیں ہوگی اور کوئی بھی شخص دنیا میں کہیں بھی رہ کر دہلی کے تعلیمی ماڈل کا فائدہ اٹھا سکتا ہے ۔
ایسے اسکول کے ڈیزائن کا کام شروع ہوچکا ہے۔ واضح رہے کہ مالی سال 2021-22 کے لئے منیش سسودیا نے 69 ہزار کروڑ کا بجٹ پیش کیا ، جو گزشتہ کے مقابلے 4 ہزار کروڑ زیادہ ہے۔ سسودیا نے کہا کہ آزادی کے 75 سال مکمل ہونے کے موقع پر دہلی میں حب الوطنی کا کورس شروع کیا جائے گا ، تاکہ ہر بچہ محب وطن بن سکے ۔ ہر تعلیم یافتہ شخص خواتین کا احترام کرے ، اور اسکولوں میں حب الوطنی تیار کی جائے گی۔ تعلیم کو ایک عوامی تحریک بنانے کی ضرورت ہے۔
تعلیم یافتہ اور کامیاب نوجوانوں کو ان طلبہ کی مدد کرنے کے لیے کہیں گے جو بچے وسائل کی کمی سے پریشان ہیں۔ ڈپٹی چیف منسٹر نے مزید کہا کہ دہلی میں نیا فوجی اسکول کھولا جائے گا ، اس وقت دہلی میں کوئی فوجی اسکول نہیں ہے۔ دہلی کے بچوں کو این ڈی اے کے لئے تیار کریں گے۔ اس کے ساتھ ہی انہوں نے کہا کہ اسپتالوں میں مفت کورونا ویکسین لگتی رہے گی۔
