دہلی: نئی مہندرا تھار شو روم کی پہلی منزل سے نیچے گر گئی، خاتون کی پوجا کے دوران ایکسیلیٹر دبانے کی غلطی
پوجا کے دوران خاتون نے ایکسیلیٹر دبایا، نئی تھار گر گئی
نئی دہلی:(اردودنیا.اِن/ایجنسیز) ایک چونکا دینے والا واقعہ دہلی کے علاقے پریت وہار میں پیش آیا، جہاں نئی خریدی گئی مہندرا تھار کار شو روم کی پہلی منزل سے شیشے توڑتے ہوئے نیچے جاگری۔
رپورٹس کے مطابق، گاڑی کے مالک پردیپ اپنی 29 سالہ اہلیہ مانی پاور کے ساتھ نئی تھار خریدنے آئے تھے۔ خریداری کے بعد جب انہوں نے ہندو مذہبی رسومات کے تحت گاڑی پر لیموں کچلنے کی رسم ادا کرنی چاہی، تو خاتون ڈرائیور نے غلطی سے ایکسیلیٹر دبا دیا۔
اسی دوران شو روم کے سیلز مین وکاس بھی گاڑی کے اندر موجود تھے اور نئی گاڑی کے فنکشنز سمجھا رہے تھے۔ اچانک ایکسیلیٹر دبنے کے باعث گاڑی تیز رفتاری سے شو روم کی شیشے کی دیوار توڑتی ہوئی پہلی منزل سے نیچے جاگری۔
ڈی سی پی (ایسٹ) ابھیشیک دھانیہ کے مطابق، حادثہ شام تقریباً 5 بجے پیش آیا اور خوش قسمتی سے کوئی بھی شخص زخمی نہیں ہوا۔ مانی پاور کو چوٹیں آنے پر انہیں نزدیکی اسپتال لے جایا گیا، تاہم پولیس کو کسی بھی جانب سے کوئی شکایت درج نہیں کرائی گئی۔
حادثے کی ویڈیو سوشل میڈیا پر تیزی سے وائرل ہوگئی، جس میں شو روم کی پہلی منزل کا خالی فریم اور نیچے اُلٹی گری تھار کار صاف دیکھی جا سکتی ہے۔
Why will women lag behind men when it comes to doing chapri behaviour with Mahindra Thar? Hail women empowerment and feminism.🔥pic.twitter.com/i4PQj0ZOzF
— Arindam Bhattacharya 🇮🇳 (@arind_bhattac) September 10, 2025
