نئی دہلی:(اردودنیا.اِن)کانگریس کی جنرل سکریٹری پرینکا گاندھی واڈرا نے مہاراشٹرا میں ایک دوا ساز کمپنی کے ڈائریکٹر سے تفتیش کرنے کے تنازعہ کے پس منظر میں ریاست کے سابق وزیر اعلی دیویندر فڑنویس کو نشانہ بنایا اور الزام لگایا کہ بی جے پی لیڈر کی ریمیڈوسویر انجیکشن کی ذخیرہ اندوزی کرنا انسانیت کے خلاف جرم ہے۔
انہوں نے فڑنویس کے ریاست کے ایک پولیس اسٹیشن پہنچنے سے منسلک ویڈیو شیئر کرتے ہوئے ٹویٹ کیاکہ جب ملک کے کونے کونے سے لوگ ریمیڈشویر کو مہیا کرنے کی درخواست کر رہے ہیں اور تمام لوگ اپنی جان بچانے کے لئے کسی طرح سے ریمیڈسویر کی بوتل لینے کی جدوجہد کر رہے ہیں۔
کوروناکے اس دورمیں ذمہ دار عہدے پر رہ چکے لے بی جے پی لیڈر کے رمیڈیوسویر کی جمع خوری کروانا انسانیت کے خلاف جرم ہے۔ قابل ذکر ہے کہ ممبئی پولیس نے کورونا وائرس کے انفیکشن کے علاج میں اہم سمجھے جانے والے ریمیڈدیسویر منشیات کے ہزاروں شیشی بھیجنے کی تیاری کی اطلاع موصول ہونے کے بعد ایک فارما کمپنی کے ڈائریکٹر سے پوچھ گچھ کی۔
اتوار کے روز پولیس نے بتایا کہ ریمیڈشویر کی برآمد پر پابندی عائد کردی گئی ہے لیکن بتایا گیا ہے کہ اس کی کھیپ سامان کارگو طیارے کے ذریعے بیرون ملک بھیجا جانا تھا۔سابق وزیر اعلی دیویندر فڑنویس اور ریاست کے بی جے پی کے دوسرے لیڈر پروین ڈیریکر اطلاع ملتے ہی پولیس اسٹیشن پہنچ گئے۔
