اداکار راہل وہرا کی کرونا سے موت ، فیس بک پر لکھا آخری پوسٹ اگر بہتر علاج دستیاب ہوتا ، تو میں بھی بچ جاتا : راہل وہرا

نئی دہلی :(اردودنیا.اِن/ایجنسیاں)’اگر میرا اچھا علاج ہوتا ،تو میں بچ جاتا‘‘،اداکار راہل وہرا کچھ ایسا ہی کہہ کر فوت ہوگئے ، ان کے اس آخری پوسٹ سے طبی نظم و نسق کے دعوؤں کی پول کھلتی ہے ۔ خیال رہے کہ راہل کرونا سے متأثر تھے ۔انہوں نے اپنی موت سے قبل ہی خدشہ ظاہر کردیا تھا کہ وہ جلد ہی مر جائیں گے ۔انہوں نے اپنے پوسٹ میں اپنی جنگ میں ہارتسلیم کرلینے کی بات بھی کہی۔راہل کی اس آخری پوسٹ کو دیکھ کر مداح کی آنکھیں بھیگ گئیں۔

انہوں نے اپنے فیس بک پوسٹ میں بتایا ہے کہ کس طرح بہتر علاج نہ ہونے کی وجہ سے وہ ہمت ہار گیا ہے، اور بے بسی میں اپنی موت کا انتظار کر رہا ہے۔ راہل کی موت کے بعد معروف فلمساز نے بھی ان کے پوسٹ کو شیئر کیا ہے اور ان کے ساتھ ہونے والی آخری گفتگو کا ذکر کیا ہے۔نامور ہدایت کار اور ڈرامہ نگار اروند گور نے اتوار کے روز اپنے فیس بک اکاؤنٹ پر راہل وہرا کی موت کی تصدیق کی۔

انہوں نے بتایا ہے کہ راہل وہرا چلا گیا ہے، میرا ذہین اداکار اب کوئی نہیں رہا، کل راہول نے کہا تھا کہ اگر بہتر علاج دستیاب ہوتا ، تو میں بچ جاتا۔خیال رہے کہ گذشتہ شام انہیں راجیو گاندھی اسپتال سے آیوشمان دوارکا منتقل کیا گیا تھا، لیکن راہل ہم سب بچا نہیں سکے ۔اس سے قبل ہفتے کے روز راہل نے اپنے فیس بک اکاؤنٹ پر کہا تھا کہ وہ تکلیف اٹھا رہے ہیں۔