سری نگر :(اردودنیا.اِن/ایجنسیاں)کشمیر میں کورونا کے لڑنے کے لیے ہر کوئی تعاون کررہا ہے۔ ایسی ہی ایک مثال آرمی کے انجینئرنگ کور نے بند آکسیجن پلانٹ شروع کرکے دی ہے۔ فوج نے نہ صرف پلانٹ کی مشینری کی مرمت کی بلکہ اپنے خرچ پر ممبئی سے ضروری سامان منگوایا۔بڈگام کے رنگریتھ انڈسٹریل ایریا میں آکسیجن پلانٹ گذشتہ پانچ سالوں سے بند تھا۔
اس پلانٹ میں روزانہ 700 آکسیجن سلنڈر بھرنے کی گنجائش موجود تھی ، لیکن مشین میں تکنیکی خرابی کی وجہ سے مالک نے اسے بند کردیاتھا۔ سری نگر میں مقیم فوج کے ترجمان لیفٹیننٹ کرنل امرین مساوک کے مطابق ریاست کی فوج جو کورونا کی وجہ سے آکسیجن کی کمی کا شکار ہے انہوں نے بند پلانٹ کو دوبارہ شروع کرنے کی ذمہ داری لی ہے۔
فوج نے ریاستی انتظامیہ ،محکمہ صنعت کے عہدیداروں اور اس پلانٹ کے مالک کے ساتھ مل کر کام کرنا شروع کیاہے۔ ایک ہفتہ طویل محنت کے بعد آج پلانٹ کا آغاز ہوگیا۔
