ہزاریباغ:(اردودنیانیوز)جنگلی ہاتھیوں کے ریوڑ نے ایک بار پھر کیریڈاری پٹل پنچایت میں ہنگامہ برپا کردیا۔ ہاتھیوں نے 50 سالہ جنگلا منڈا کو کچل کر مارڈالا۔ گاؤں میں داخل ہاتھیوں کی اطلاع پر جنگلا منڈا اپنے گھر والوں کو کسی محفوظ جگہ لے جانے کے لئے گھر سے نکلا تھا۔
اسی دوران ہاتھیوں نے اسے پکڑ لیا۔اسی دوران ہاتھیوں نےشاہدیو منڈا اور ویراسنگھ منڈا کے مکانات کو نقصان پہنچادیا۔ ہاتھیوں نے بندھن کرمالی کی فصل کو بھی بربادکر دیا۔اس واقعے کے بعد سےمقامی لوگ خوف و ہراس میں مبتلا ہیں۔ اطلاع ملنے پر کیریڈاری سی او ارون کمارترکی ، اے سی ایف کم بڑکاگائوں، رینجر ادئے چندر جھا ، تھانہ انچارج امت کمار دوویدی پیر کی صبح موقع پرپہنچے۔
اس نے متوفی کی اہلیہ منگری عرف رانی دیوی کو فوری طور پر 20 ہزار روپے معاوضہ ادا کیا۔ بقیہ 3 لاکھ 80 ہزار روپے قانونی عمل کے فوراً بعد دینے کے بارے میں کہا ہے۔دیہاتیوں نے بتایا کہ محکمہ جنگلات کے لوگ ہاتھیوں کو بھگا رہے ہیں۔
ادھر جنگلا منڈا اپنے کنبے کو ایک محفوظ جگہ پر لے جانے کی کوشش کر رہے تھے۔ لیکن جیسے ہی وہ گھر سے باہر نکلا ، پیچھے سے ایک ہاتھی آیا اور اسے پکڑ لیا۔ اس ریوڑ میں 25 ہاتھی موجود ہیں۔ اس میں 7 بچے بھی شامل ہیں
