گوہاٹی 29جون :(اردودنیا.اِن/ایجنسیاں)#بھارتیہ جنتا پارٹی (بی جے پی) کے #صدر جے پی #نڈا نے منگل کے روز کہا ہے کہ آسام میں کوویڈ 19 وبائی مرض کے دوران کچھ #اپوزیشن #پارٹیاں #آئسولیشن اورکچھ آئی سی یو میں چلی گئیں۔ڈیجیٹل میڈیم کے ذریعے #ریاستی بی جے پی کے ایگزیکٹو کے اجلاس سے خطاب کرتے ہوئے نڈانے دعویٰ کیاہے کہ اپوزیشن جماعتیں صرف #انتخابات کے دوران سیاسی سیاحوں کے طور پر سامنے آتی ہیں ، لیکن اس کے بعدکہیں نظر نہیں آتی ہیں۔انہوں نے کہا ہے کہ تمام (اپوزیشن) جماعتیں قرنطینہ میں رہیں جبکہ ان میں سے کچھ آئی سی یو تک پہنچ گئیں۔
صرف بی جے پی ممبران ہی پریشانی کا سامنا کرنے والے لوگوں کے پاس گئے۔نڈا نے پارٹی کے نومنتخب پارٹی کے ریاستی یونٹ کے صدر بھاویش کالیتا اور وزیراعلیٰ ہمنت بِسوا سرما پر زور دیا کہ وہ ریاست کے تمام اہل افرادکو موڈپرٹیکے لگائیں۔انہوں نے کالیتا سے کہا کہ وہ اس بات کو یقینی بنائیں کہ اگر لوگوں کو ویکسینیشن کے حوالے سے کوئی ہچکچاہٹ محسوس ہو تو پارٹی کے تمام کارکنان اس کو دور کرنے کے لیے ریاست بھر میں ویکسینیشن بیداری مہم چلائیں گے۔جے پی نڈانے فرقہ پرست اور کرپٹ عناصر کو شکست دینے اور وزیر اعظم نریندر مودی کے ترقیاتی ایجنڈے پر اعتماد کرنے پر آسام کے عوام کا شکریہ ادا کیا۔
