دربھنگہ دھماکہ معاملے میں گرفتار 2ملزمین کو پٹنہ لایا گیا، کل شاملی سے ہوئی تھی گرفتاری
پٹنہ، 3 جولائی :(اردودنیا.اِن/ایجنسیاں)این آئی اے نے دربھنگہ ریلوے اسٹیشن پر دھماکے (Darbhanga blast case)کے سلسلے میں جمعہ کے روز #دہشت گرد تنظیم لشکر طیبہ کے دو دہشت گردوں کو گرفتار کیا۔ آج #این آئی اے کی ٹیم ان ملزمان کے ساتھ پٹنہ پہنچی ہے۔ انہیں یہاں #پٹنہ کی این آئی اے کی خصوصی عدالت میں پیش کیاجائے گا۔ #اترپردیش کے شاملی ضلع کے کیرانہ کے رہائشی، محمد سلیم احمد اور کفیل کو #یوپی کی ایک قابل عدالت سے ٹرانزٹ ریمانڈ حاصل کرنے کے بعد #پٹنہ لایا گیا تھا۔
یہ معاملہ گذشتہ ماہ #بہارکے دربھنگہ میں اس وقت درج کیا گیا تھا جب دربھنگا ریلوے اسٹیشن کے پلیٹ فارم 1 پر ایک پارسل میں #دھماکہ ہواتھا۔ یہ پارسل سکندرآباد۔ دربھنگا ایکسپریس کے ذریعہ دربھنگہ پہنچا تھا۔ این آئی اے نے اس معاملے پر دوبارہ درج کیا اور 30جون کو محمد ناصر خان اور عمران ملک نامی دو ملزمان کو گرفتار کیا۔ایجنسی کے عہدیدار نے بتایا کہ سلیم اور کفیل اس معاملے میں سب سے اہم سازشی ہیں۔
انہوں نے فروری میں سلیم کے گھر پر ایک میٹنگ کی اور چلتی ٹرین میں آئی ای ڈی دھماکے کا منصوبہ بنایا تاکہ زیادہ سے زیادہ جان ومال کا نقصان ہوسکے۔ سلیم پاکستان لشکر طیبہ دہشت گرد اقبال کنا کا قریبی ساتھی تھا۔ وہ کنا اور تمام گرفتار ملزمان کے مابین مرکزی ثالث کی حیثیت سے کام کر رہا تھا۔
