انقرہ،13جولائی:(اردودنیا.اِن/ایجنسیاں)صدر رجب طیب ایردوان(Tayyip Erdogan)نے کہا ہے کہ یورپ سے #کینیڈا تک پھِلے رقبے سے ہر موقع پر ہمیں حوقو انسانی،جمہوریت اور آزادی کی نصیحت کرنے والوں کے تاریخی مظالم سننے اور دیکھنے کو مل رہے ہیں۔ ایردوان صدر نے اس بات کا اظہار انقرہ میں منعقدہ ترک نوجوانوں کے اجلاس سے خطاب کے دوران سربرینتسا نسل کشی کی 26 ویں یاد کے موقع پر کیا۔
انہوں نے کہا کہ گزشتہ روز سربرینتسا نسل کشی کی 26 ویں برسی منائی گئی اور میں تمام شہدا کیلئے دعائے مغفرت کرتاہوں۔
انہوں نے کہا کہ #یورپ کے عین وسط میں اقوام متحدہ کی آنکھوں کے سامنے ہوا یہ #انسانی #قتل عام #تاریخی #صفحات پر ایک سیاہ داغ بن کر محفوظ ہو چکا ہے،اس قتل عام میں 8372 #بوسنیائی قتل ہوئے جن پر ہمارا دل خون کے آنسو روتا ہے، ہر اجتماعی #قبر سے تاحال متعدد #شہدا کی #باقیات بازیاب ہو رہی ہیں جن پر ڈھائے گئے مظالم فراموش نہیں کئے جا سکتے۔
صدر نے مزید کہا کہ اس قسم کے المناک واقعات کو دوبارہ نہ دہرانے اور مغربی دنیا کو اس نسل کشی کی حقیقت سے آشکار کروانے کیلئے ہم سے جو بن پڑے گا وہ کریں گے۔ہمیں یورپ سے کینیڈا تک کے رقے پر پھیلی دنیا،حقوق انسانی،ڈیموکریسی اور آزادی کی نصیحتیں کرنے والے اپنی شرمناک تاریخ سے روبرو ہو رہے ہیں۔
