نئی دہلی،30؍جولائی:(اردودنیا.اِن/ایجنسیاں)مانسون 2021 ملک کے بیشتر حصوں میں اپنے پورے شباب پر ہے ۔ #دارالحکومت دہلی میں بھی مسلسل دو دنوں سے بارش کا ماحول بنا ہوا ہے۔ ہندوستانی محکمہ #موسمیات نے اگلے پانچ دنوں میں ملک کے کئی حصوں میں شدید #بارش کی پیش گوئی کی ہے۔ آئی ایم ڈی کے مطابق 30 جولائی سے 4 اگست 2021 تک وسطی اور شمالی ہند کی کئی ریاستوں میں بارش کا امکان ہے۔
محکمہ نے آئندہ پانچ دنوں کے لیے موسم کی #پیشن گوئی جاری کی ہے۔آئی ایم ڈی نے کہا ہے کہ 30 جولائی اور 4 اگست کے درمیان وسطی اور شمالی مغربی ہندوستان کے کچھ علاقوں(مغربی مدھیہ پردیش اور مشرقی #راجستھان) میں موسلا دھار بارش ہوسکتی ہے۔ 31 جولائی سے ہندوستان کے مشرقی علاقوں میں بارش میں کمی ہو سکتی ہے۔
محکمہ کے مطابق 30 جولائی سے 2 اگست تک اترپردیش کے بیشتر علاقوں میں موسلا دھار بارش کا امکان ہے۔ اس کے ساتھ ساتھ اگلے پانچ دنوں میں جموں و کشمیر اور پنجاب کے بیشتر علاقوں میں ہلکی بارش ہوسکتی ہے۔محکمہ موسمیات کا کہنا ہے کہ آنے والے چند دنوں میں راجستھان کے کئی علاقوں میں موسلا دھار بارش ہوگی۔
