نئی دہلی، 25 اگست:(اردودنیا.اِن/ایجنسیاں)سپریم کورٹ نے اشارہ دیا ہے کہ وہ اگلے ہفتے #پیگاسس #جاسوسی کیس کی تحقیقات کا حکم دے سکتی ہے۔ مغربی #بنگال حکومت کی جانب سے معاملے کی تحقیقات کے لیے عدالت نے باقی مقدمات کے ساتھ کمیشن کی تشکیل کی مخالفت کرنے والی درخواست لگانے کی ہدایت دی۔
اس دوران چیف #جسٹس نے کہا کہ یہ ایک ملک گیر مسئلہ ہے،ہم اگلے ہفتے پورے معاملے کو دیکھیں گے۔ اس درخواست کوبھی باقی درخواستوں کے ساتھ لگایاجائے۔پیگاسس کیس کی منصفانہ تحقیقات کے لیے سپریم کورٹ میں 15 درخواستیں زیر التوا ہیں۔
ان کے جواب میں مرکزی حکومت نے ایک ماہر کمیٹی بنانے کی تجویز دی ہے۔ 17 اگست کو عدالت نے تفصیلی جواب کے لیے مرکز کو وقت دیتے ہوئے سماعت 10 دن کے لیے ملتوی کردی تھی۔ دریں اثنا 18 اگست کو اس سے متعلق ایک اور #کیس سپریم کورٹ میں اٹھایا گیا۔
گلوبل ولیج فاؤنڈیشن نامی تنظیم کی جانب سے عدالت کو بتایا گیا کہ مغربی بنگال حکومت نے ایک عدالتی کمیشن تشکیل دیا ہے۔ اس میں سپریم کورٹ کے سابق جج جسٹس مدن بی لوکور اور کلکتہ ہائی کورٹ کے سابق چیف جسٹس جیوترموئے بھٹاچاریہ کو رکھا گیا ہے لیکن ایک ریاست کو ایسا کمیشن بنانے کا حق نہیں ہے۔
18 اگست کو سپریم کورٹ نے اس درخواست پر نوٹس جاری کیا تھا۔ اس کے جواب میں مغربی بنگال حکومت نے کہا کہ اس نے کمیشن تشکیل دیا ہے کیونکہ مرکز نے انکوائری شروع نہیں کی ہے۔ ریاست کو ایسا کرنے کا حق حاصل ہے۔ جیسے ہی آج یہ معاملہ اٹھایا گیا، چیف جسٹس این وی رمن نے کہا کہ بہتر ہوگا کہ اسے باقی کیسوں کے ساتھ لگایاجائے۔ عدالت کی اس تجویز کے ساتھ درخواست گزار کی جانب سے پیش ہوئے سینئر #ایڈوکیٹ ہریش سالوے، سالیسیٹر جنرل تشار مہتا اور مغربی بنگال حکومت کی جانب سے پیش ہوئے سینئر ایڈوکیٹ ابھیشیک منو سنگھوی نے اتفاق کیا۔
سماعت کے دوران جیسے ہی عدالت نے معاملے کو ملک گیر بتایا۔ سنگھوی نے ججوں پر زور دیا کہ وہ فی الحال اس معاملے پر کوئی تبصرہ نہ کریں۔ سنگھوی نے کہا کہ ججوں کی طرف سے کوئی بھی تبصرہ میڈیا کی سرخی بن جائے گا۔ اس پر چیف جسٹس نے کہا کہ اگلے ہفتے عدالت پورے معاملے پر ضروری احکامات دے گی۔ اگر اس سے پہلے حکومت مغربی بنگال کا کمیشن کارروائی شروع کرے گا، تو اب اس معاملے کو دیکھنا ضروری ہے۔
