کابل ہوائی اڈہ کے باہر دو دھماکے، 20 کی موت، پچاس افراد کے زخمی ہونے کی اطلاع
دبئی:(اردودنیا.اِن/ایجنسیاں)افغانستان کے دارالحکومت کابل کے حامد کرزئی ائیرپورٹ کے قریب زور دار دھماکا ہوا ہے، جس کے نتیجے میں 20 افراد جاں بحق جبکہ امریکی فوجیوں سمیت متعدد زخمی ہوگئے ہیں۔افغان میڈیا کے مطابق دھماکا حامد کرزئی ائیرپورٹ کے مشرقی گیٹ پر ہوا ہے، جہاں گزشتہ 12 روز سے ہزاروں افراد ملک سے نکلنے کے لیے جمع ہیں، خودکش دھماکے کے بعد فائرنگ کی آواز بھی سنائی دی۔
امریکی محکمہ دفاع کا کہنا ہے کہ افغانستان کے دارالحکومت کابل کے ایئرپورٹ کے باہر دھماکہ ہوا ہے۔خبر رساں ادارے اے ایف پی کے مطابق پنٹاگون کے ایک ترجمان نے کابل ایئرپورٹ کے باہر دھماکے کی تصدیق کی اور کہا کہ دھماکے میں ہلاکتوں کا خدشہ ہے۔برطانوی خبر رساں ادارہ روئٹرز نے ایک امریکی اہلکار کے حوالے سے بتایا ہے کہ کابل ایئرپورٹ کے باہر دھماکہ بظاہر خود کش لگ رہا ہے۔امریکی ٹی وی چینل سی این این نے دو امریکی اہلکاروں کے حوالے سے بتایا ہے کہ دھماکے میں افغان شہری زخمی ہوئے ہیں۔
We can confirm an explosion outside Kabul airport. Casualties are unclear at this time. We will provide additional details when we can.
— John Kirby (@PentagonPresSec) August 26, 2021
