انتخابی موسم میں مذہب کی سیاست شروع جے پی نڈانے کہا،یوپی میں رام کانام لینامشکل تھا،ایم ایس پی پرکسانوں کوگمراہ کیاگیا

لکھنؤ11ستمبر:(اردودنیا.اِن/ایجنسیاں)بھارتیہ جنتا پارٹی(بی جے پی) کی وجے بوتھ مہم کا آغاز کرتے ہوئے پارٹی کے قومی صدر جے پی #نڈا نے کہاہے کہ کانگریس اور ایس پی سمیت تمام #اپوزیشن جماعتوں نے ایم ایس پی پر کسانوں کو گمراہ کرنے کی بھرپور کوشش کی۔ لیکن آج ایم ایس پی پر کسانوں سے ریکارڈ خریدا جا رہا ہے۔مذہب کے نام پرووٹ مانگنے کاایجنڈہ بناتے ہوئے بی جے پی صدر جے پی نڈا نے کہا کہ ایک وقت تھا جب  #یوپی میں #شری رام کا نام لینا بھی مشکل ہو گیا تھا۔

کارسیوکوں پرگولیاں چلائی گئیں ۔رام کے بارے میں کانگریس نے وجود کو قبول کرنے سے انکار کر دیا تھا۔انہوں نے یہ نہیں بتایاکہ اب رام کانام لے کرلوگوں کوماراپیٹاجارہاہے۔ آج ایس پی ، بی ایس پی اور کانگریس نے سہولت کی سیاست کرنا شروع کر دی ہے۔مرکز میں مودی حکومت کو کسانوں کے لیے مفیدقرار دیتے ہوئے جے پی نڈانے کہاہے کہ مودی حکومت نے کسانوں کو اپنی پسند کی قیمت پر ملک میں کہیں بھی اپنی فصلیں بیچنے کی آزادی دی ہے ، کسانوں کے لیے ماہانہ 3 ہزار روپے پنشن کا انتظام کیاہے۔

#زرعی انفراسٹرکچر میں جامع بہتری کے لیے مودی حکومت نے خود 1 لاکھ کروڑ روپے کا پیکیج دیا۔ انہوں نے کہاہے کہ یہ #بھارتیہ جنتا #پارٹی کے لیے سب سے اہم ہے۔ مذہب خدمت ہے – تنظیم۔ #بھارت کی توجہ گاؤں ، غریب اورکسان کی ترقی ہے۔