شکاگو میں عرب کارروباری افراد کے شہر کی میئر پر ’نسل پرستی‘ کے الزامات

شکاگو،14ستمبر :(اردودنیا.اِن/ایجنسیاں)امریکہ کے شہر شکاگو میں چھوٹے کاروبار چلانے والے 50 سے زائد عرب نژاد امریکی اور مسلمان شہریوں نے #میئر لوری لائٹ فٹ  Mayor Lori #Lightfoot پر الزام لگایا ہے کہ شہر میں ان کے کاروبار بند کرنے کی کوشش کی جا رہی ہے۔ شہر میں ریمنڈ لوپیز نامی الڈرمین (سٹی کونسل کے رکن) کا پیر کو کہنا تھا کہ متعلقہ حکام الزامات جائزہ لے رہے ہیں۔نیوز کے مطابق #شہر میں حکام کی جانب سے 52 دن سے زائد کے عرصے سے بند کاروبار پر #عرب اور مسلمان کاروباری افراد کا کہنا تھا کہ #شکاگو کی میئر ان کے خلاف نسل پرستانہ رویہ اختیار کر رہی ہیں۔

اردودنیا ایپ انسٹال کے لیے کلک کریں

ان افراد کا کہنا تھا کہ میئر ان کے کاروبار کو اس لیے بھی بند کر رہی ہیں کیونکہ ان کو یہ غلط فہمی ہے کہ اس سے شہر میں ہونے والے قتل کے واقعات میں کمی لائی جا سکے گی۔ سٹی کونسل کے رکن ریمنٹ لوپیز #شکاگو میں اسٹور چلانے والے 25 عرب اور مسلمان کاروباری افراد سے ملے اور کہا کہ آج میں ان کاروباری افراد کے ساتھ ہوں جن کو لگتا ہے کہ انہیں نسل پرستی کا شکار بنایا جا رہا ہے تاکہ شکاگو میں جرم کے واقعات میں کمی لائی جا سکے۔

ان کا کہنا تھا کہ دو دن قبل میئر لائٹ فٹ نے کہا تھا کہ نائن الیورن نے امریکہ میں عربوں کے خلاف نفرت کو جنم دیا ہے۔ لیکن گینگ چلانے والے دہشت گردوں کیخلاف جنگ کا اعلان کرتے ہوئے اب، افسوس کے ساتھ ، وہ خود عرب کاروباری افراد کو نشانہ بنا رہی ہیں جن کا تعلق زیادہ تر افریقن نژاد امریکی برادری سے ہے۔

ریمنڈ لوپیز کا مزید کہنا تھا کہ ’لائٹ فٹ ایک بار پھر دکھا رہی ہیں کہ انہیں سمجھ نہیں آتی کہ تشدد کے معاملات سے مناسب طریقے سے کیسے نمٹتے ہیں۔گذشتہ ہفتے شکاگو میں #فائرنگ کے 56 واقعات پیش آئے تھے جن میں آٹھ افراد متاثر ہوئے تھے۔ اس سے قبل لیبر ڈے کی چھٹی پر ہونے والے فائرنگ کے واقع میں ایک پولیس افسر سمیت 75 افراد ہلاک ہوئے تھے۔

پیر کو ہونے والی نیوز کانفرنس میں امریکی عرب چیمبر آف کامرس کے صدر حسن نجم کے ساتھ 18 عرب، #ایشیائی اور #مسلمان کاروباری افراد موجود تھے جن کے ا سٹور ایک ہفتے سے لے کے تین مہینے کے دورانیے سے بند تھے۔ حسن نجم کا کہنا تھا کہ یہ کاروبار ’نسل پرستی اور شہر میں ہونے والے تشدد کے واقعات‘ کی مجموعی وجوہات کے باعث بند ہوئے ہیں۔

انہوں نے مزید کہا کہ کاروبا بند ہونے کی وجہ سے نہ صرف کاروباری افراد کا نقصان ہو رہا ہے بلکہ پورا شہر سیلز ٹیکس اور گیسولین ٹیکس کی آمدنی سے محروم ہو رہا ہے۔ ابو خلیل کا کہنا تھا کہ اب شکاگو شہر میں حکام کاروبار بند کرنے کی نیت سے آتے ہیں،ہم اس سے واقف نہیں۔