جموں و کشمیر حکومت نے فوج کے شہید پیرا کمانڈوامتیازاحمد کے نام پر رکھا
سرینگر، 16 ستمبر :(اردودنیا.اِن/ایجنسیاں)شوپیاں کے گورنمنٹ ڈگری کالج کا نام بدل دیا گیا ہے۔ اب شوپیاں کا گورنمنٹ ڈگری کالج فوج کے شہید سپاہی کے نام پہ جاناجائے گا ۔ جموں و کشمیر حکومت نے آج تعلیمی ادارے کا نام ایک مقامی شہید سپاہی کے نام پر رکھا۔ جنوبی کشمیر کے شوپیاں میں واقع گورنمنٹ ڈگری کالج کا نام فوج کے شہید پیرا کمانڈوز کے نام پر رکھا گیا ہے۔
ڈگری کالج شوپیاں کو اب ’امتیاز احمد ٹھوکر میموریل ماڈل ڈگری کالج شوپیاں‘ “Imtiyaz Ahmad Thokar Memorial Model Degree College Shopian” کہا جائے گا۔ نام تبدیل کرنے کے لیے ایک تقریب کا انعقاد کیا گیا، جس میں پولیس، سویلین اور فوج کے اعلیٰ حکام موجود تھے۔ کالج کے نئے نام کے ساتھ بورڈ کی نقاب کشائی کرتے وقت شہید کا خاندان بھی موجود تھا۔امتیاز احمد ٹھوکر ایک آرمی پیرا ٹروپر تھے جو 23 فروری 2015 کو شمالی کشمیر کے سوپور میں انسداد دہشت گردی آپریشن میں مارے گئے۔
امتیاز احمد ٹھوکر 2008 میں ممبئی میں تاج آپریشن کا حصہ تھے۔ امتیاز کے تینوں بھائی فوج میں ہیں۔متعلقہ طور پر حکومت نے ایک کمیٹی تشکیل دی ہے جو کہ شہید فوجیوں، پولیس اہلکاروں اور دیگر اہم شخصیات کے بعد اداروں اور دیگر مقامات کے نام تبدیل کرنے کی سفارش کرے گی اور شوپیاں کے ڈگری کالج کا نام اس سلسلے میں پہلا قدم تھا۔
