نئی دہلی28ستمبر:(اردودنیا.اِن/ایجنسیاں)30 اکتوبر کو ملک میں 3 لوک سبھا حلقوں اور 30اسمبلی نشستوں پر ضمنی انتخابات ہوں گے ۔الیکشن کمیشن کی معلومات کے مطابق ان حلقوں میں ووٹوں کی گنتی 2 نومبر کو کی جائے گی۔ مغربی بنگال میں اسمبلی انتخابات کے بعد یہ سب سے بڑی انتخابی مشق ہوگی۔ اس سے قبل 30 ستمبر کو کولکاتہ کی بھوانی پور سیٹ پر اسمبلی ضمنی انتخابات ہو رہے ہیں۔
یہ انتخاب بنگال کی وزیراعلیٰ ممتا بنرجی کے لیے اہم ہے وہ خود انتخابی میدان میں ہیں۔ بنگال میں ہونے والے اسمبلی انتخابات میں ممتا نے نندی گرام سیٹ سے الیکشن لڑا تھا ، لیکن وہ بی جے پی امیدوار شوبھیندرو ادھیکاری سے ہار گئیں۔ وزیراعلیٰ رہنے کے لیے انہیں 6 ماہ کے اندر قانون ساز اسمبلی کا رکن بننا ہوگا۔
الیکشن کمیشن نے معلومات میں بتایا ہے کہ مرکز کے زیر انتظام علاقوں دادرا نگر حویلی اور دمن اور دیو میں انتخابات ہونے ہیں۔ اس کے ساتھ مدھیہ پردیش اور ہماچل پردیش میں ایک ایک سیٹ پر انتخابات ہونے ہیں۔ اس کے ساتھ ہی مختلف ریاستوں کی 30 اسمبلی نشستوں پر بھی ضمنی انتخابات ہوں گے۔
آندھرا پردیش کے بدویل ، گوسائیگاؤں ، بھبانی پور ، تمل پور ، ماریانی ، آسام میں تھورا اسمبلی نشستوں پر ضمنی انتخابات ہوں گے۔ بہار کی کشیشور اور تاراپور سیٹوں پر ضمنی انتخابات ہوں گے۔ ہریانہ کی انل آباداسمبلی سیٹ پرانتخابات ہوں گے۔
