نئی دہلی 20جنوری(ایجنسی)وزیراعظم نریندر مودی نے مغربی بنگال کے جل پائی گڑی میں دھوپ گری نامی مقام پر ہوئے سڑک حادثے میں ہونے والی اموات پر گہرے دکھ کا اظہار کیا ہے اور وزیراعظم کے قومی راحتی فنڈ (پی ایم این آر ایف) سے مالی مدد کا اعلان بھی کیا ہے۔مغربی بنگال میں الیکشن ہو نے والے ہیں۔اپنے سلسلے وار ٹوئیٹ میں وزیراعظم نے کہا کہ جل پائی گڑی (مغربی بنگال)، کے دھوپ گری میں ہونے والا سڑک حادثہ بے حد اندوہناک ہے۔ اس دکھ کی گھڑی میں ہم متاثرین کے اہل خانہ سے تعزیت کا اظہار کرتے ہیں اور زخمیوں کی جلد صحتیابی کے لئے دعا گو ہیں۔مغربی بنگال میں ہونے والے اس حادثے میں جن لوگوں نے اپنی زندگیاں کھوئی ہیں، ان کے قریبی عزیز کو وزیراعظم کے قومی راحتی فنڈ (پی ایم این آر ایف)سے فی کس 2 لاکھ روپے کی امداد دی جائے گی، جبکہ زخمیوں کو 50 ہزار روپے دیئے جائیں گے۔
