ویلنٹن، یکم نومبر :(اردودنیا.اِن/ایجنسیاں)کورونا وائرس کی وبا کے پھوٹتے ہی جس ایک جاندار کو سب سے زیادہ کوسا جا رہا تھا وہ تھا چمگادڑ۔ لیکن نیوزی لینڈ میں رواں ماہ چگادڑ کو سال کے بہترین پرندے کے ایوارڈ سے نوازا گیا ہے۔برطانوی اخبار ’دا گارڈین‘ کے مطابق ہر سال پرندوں کا یہ مقابلہ کروانے والے ادارے فوریسٹ اینڈ برڈ نے اس بار کبوتروں کے درمیان چمگادڑ کا بھی نام مقابلے کے لیے ڈال دیا۔
اردودنیا ایپ انسٹال کے لیے کلک کریں
پیکا پیکا توروا یا لمبی دم والے چمگادڑ نیوزی لینڈ میں پائے جانے والے چمگادڑوں کی دو اقسام میں سے ایک ہیں اور دنیا میں سب سے زیادہ نایاب ممالیہ ہیں۔ان کا سائز انگوٹھے جتنا ہوتا ہے اور جب یہ پیدا ہوتے ہیں اس وقت یہ شہد کی بڑی مکھی جتنے چھوٹے ہوتے ہیں۔ پرندوں کے مقابلے کے لیے ووٹنگ اتوار کی رات کو بند ہوئی۔
فوریسٹ اینڈ برڈ کی لسی فینکر ہیتھر نے ریڈیو نیوزی لینڈ سے پیر کو بات کرتے ہوئے مقابلے کی جیت کا اعلان کیا۔انہوں نے بتایا کہ پیکا پیکا تو روا Pekapeka Tou Roa کو تین ہزار ووٹوں سے برتری حاصل ہوئی۔’ہمارے پاس تقریباً 58 ہزار ووٹ تھے اور وہ دنیا بھر سے آئے تھے۔
ان کا مزید کہنا تھا کہ اس مقابلے کی 17 برس کی تاریخ میں رواں سال سب سے زیادہ ووٹ ڈالے گئے۔ ایک سوال کے جواب میں انہوں نے بتایا کہ ’چمگادڑ نیوزی لینڈ کا واحد آبائی زمینی ممالیہ ہے اور اسے قومی سطح پر اہم سمجھا جاتا ہے۔ چمگادڑ کو اسی طرح کے خطرات ہیں جو ہمارے قومی پرندوں کو ہیں تو اس سال ہم نے سوچا ہم اور لوگوں کو اس بارے میں آگاہ کریں گے۔
ان کا کہنا تھا کہ ان چمگادڑوں کی نسل کو چوہے، پوسمز، سٹوٹس اور بلیوں سے خطرہ ہے، جو ان کی آبادی کو ہر سال پانچ فیصد سے کم کر رہے ہیں۔چمگادڑوں کے بعد اس مقابلے میں دوسرے نمبر پر دنیا کے واحد رات بھر جاگنے اور نہ اڑنے والے طوطے، کاکاپو، کا نام آیا ہے۔ کاکاپو گذشتہ سال کے مقابلے میں جیتا تھا۔
Following pekapeka’s victory, lots of you have been asking how to donate far bats! There is now a @givealittle page to raise money for work in Tāmaki Makaurau, including buying monitoring equipment, upskilling community groups and making resources. https://t.co/XpXTPpad1q pic.twitter.com/AJIbVoiJ6x
— Ben Paris (@NZBatman) November 1, 2021
