غرب اردن ،7نومبر :(اردودنیا.اِن/ایجنسیاں)غرب اردن کے شہراریحا میں فلسطینیوں نے یہود آباد کاروں پرسنگ باری کی۔ جس کے نتیجے میں آباد کار زخمی ہوگیا۔ادھرالخلیل شہر میں ہفتے کی شام شمال میں فلسطینی نوجوانوں نے آباد کاروں کی گاڑیوں کو پٹرول بموں سے نشانہ بنایا گیا۔
عبرانی ذرائع نے اطلاع دی ہے کہ اریحا کے قریب آباد کاروں کی بس پر پتھر پھینکنے کے بعد ایک آباد کار شیشے کے ٹکڑوں سے زخمی ہو گیا۔یہ واقعہ اس وقت پیش آیا، جب نوجوانوں نے ’کرمی زور‘ بستی کے قریب آباد کاروں کی گاڑیوں پر پٹرول بم پھینکے ،جو الخلیل کے شمال میں حلول اور بیت امر کے قصبوں کی زمینوں پر واقع ہے۔
شہریوں نے آباد کاروں کے گروہوں کے حملوں کا جواب دیتے ہوئے ان پر سنگ باری کی۔دیوار اور بستیوں کے خلاف مزاحمت کے لیے مقبول اور قومی کمیٹیوں کے کوآرڈینیٹر، راتب جبور نے بتایا کہ 100 سے زائد آباد کاروں نے ایکشن اگینسٹ ہنگر کے ذریعے مشرق میں رہائشی کمیونٹیز کے بچوں کے فائدے کے لیے قائم کیے گئے پارک پر حملہ کیا۔
اسرائیلی فوج نے غرب اردن اور القدس سے چار افراد گرفتار کرلئے
کل ہفتے کی شام کو قابض اسرائیلی فوج نے مقبوضہ مغربی کنارے کے شمالی شہرجنین اور بیت المقدس میں گھر گھر تلاشی کی کارروائیوں کے دوران چار فلسطینیوں کو حراست میں لے لیا۔اطلاعات کے مطابق قابض فوج نے جنین میں دیر ابو ضعیف کے مقام پر تلاشی کے دوران تین فلسطینیوں کو حراست میں لے لیا۔
مقامی ذرائع کے مطابق شمال مشرقی جنین میں تلاشی کے دوران قابض فوج نے محمد مؤید یاسین، ہلال بدر یاسین اور سلام ایاد یاسین کو حراست میں لے لیا۔
ادھر شمال مغربی بیت المقدس میں قابض فوج نے قطنہ کے مقام سے ایک فلسطینی شہری کو حراست میں لے لیا۔ عینی شاہدین نے بتایا کہ قطنہ سے گرفتار ہونیوالے فلسطینی کی تعداد یوسف محمد شماسنہ کے نام سے کی گئی ہے۔
