نوئیڈا ،25 ؍دسمبر :(اردودنیا.اِن/ایجنسیاں) نوئیڈا میں ایک 19 سالہ لڑکی نے ایک لڑکے پر شادی کے بہانے کئی بار ریپ کرنے کا الزام لگایا ہے۔ پولیس کمشنر آلوک سنگھ کے ترجمان نے بتایا کہ سیکٹر 19 میں رہنے والی ایک لڑکی نے ہفتہ کو سیکٹر 20 پولیس اسٹیشن میں شکایت درج کرائی کہ 2020 میں اس کی سوشل میڈیا کے ذریعے ایک نوجوان سے دوستی ہوئی تھی۔
متاثرہ کا الزام ہے کہ ایک دن اس نے لڑکی کو نوئیڈا کے سیکٹر 18 میں واقع ایک ہوٹل میں بلایا اور اسے نشہ آور چیز پلا کر اس کے ساتھ عصمت دری کی۔ترجمان نے متاثرہ کی شکایت کی بنیاد پر کہا کہ جب لڑکی نے اس پر اعتراض کیا تو ملزم نے اس سے شادی کا وعدہ کیا۔
متاثرہ کے مطابق ملزم نے شادی کے بہانے کئی دنوں تک اس کے ساتھ مبینہ طور پر عصمت دری کی۔ لڑکی نے بتایا کہ اس دوران وہ دو مرتبہ حاملہ ہوئی اور ملزم نے اس کا اسقاط حمل کروا دیا۔
اس نے بتایا کہ متاثرہ کے مطابق ملزم اب اس سے شادی کرنے سے انکار کر رہا ہے۔ متاثرہ نے بتایا کہ جب اس نے ملزم کے اہل خانہ سے اس کی شکایت کی تو انہوں نے بھی اپنے لڑکے کا ساتھ دیا۔ترجمان نے کہا کہ پولیس شکایت درج کرکے معاملے کی تحقیقات کررہی ہے۔
