نئی دہلی3فروری:(اردودنیا.اِن/ایجنسیاں)چین اور پاکستان سے درپیش قومی سلامتی کے چیلنجوں پر آرمی چیف جنرل ایم ایم نروانے (Army Chief General MM Naravane) نے کہاہے کہ ہندوستان اب بھی مستقبل کے تنازعات کی کچھ جھلکیاں دیکھ رہا ہے اور اس کے مخالفین اپنے اسٹریٹجک اہداف کو حاصل کرنے کی کوشش کر رہے ہیں۔
آن لائن ایک سیمینار سے خطاب کرتے ہوئے جنرل نروانے نے کہا ہے کہ ہندوستان کو مختلف، مشکل اور کثیرالجہتی سیکورٹی چیلنجز کا سامنا ہے اور شمالی سرحد پر پیش رفت نے پوری طرح تیار اور قابل فورسز کی ضرورت پر زور دیاہے۔
چین اور پاکستان کا نام لیے بغیر آرمی چیف نے کہاہے کہ جوہری صلاحیت رکھنے والے پڑوسیوں کے ساتھ سرحدی تنازعات کے ساتھ ساتھ ریاستی سرپرستی میں پراکسی وارفیئر نے سیکیورٹی آلات اور وسائل کو درپیش چیلنجز میں اضافہ کیا ہے۔
ہم صرف مستقبل کی جدوجہد کی جھلکیاں دیکھ رہے ہیں۔انھوں نے کہاہے کہ ہم معلومات، نیٹ ورکس اور سائبر اسپیس کے میدان میں بھی اس کا ثبوت دیکھ رہے ہیں۔ یہ سب متنازعہ سرحدوں پر بھی نظر آتا ہے۔آرمی چیف نے کہاہے کہ ان جھلکیوں کی بنیاد پر، ہمیں مستقبل کے لیے تیار رہنا ہوگا۔
آپ اپنے اردگرد نظر دوڑائیں تو آپ کو آج کی حقیقت کا احساس ہوگا۔آرمی چیف نے کہاہے کہ شمالی سرحد پر تازہ ترین پیش رفت ملک کی خودمختاری اور سالمیت کو برقرار رکھنے کے لیے جدید ٹیکنالوجی کے آلات سے لیس قابل افواج کی ضرورت پر زور دیتی ہے۔
انھوں نے کہاہے کہ ہمارے مخالف اپنے تزویراتی اہداف کو حاصل کرنے کی کوشش جاری رکھیں گے۔چین کا بالواسطہ حوالہ دیتے ہوئے انہوں نے کہا کہ کچھ قومیں عالمی سطح پر قبول شدہ اصولوں اور قواعد پر مبنی نظام کو چیلنج کر رہی ہیں۔
جنرل ایم ایم نروانے نے کہا کہ افغانستان میں حالیہ پیش رفت نے ایک بار پھر پراکسی اور غیر سرکاری عناصر کے استعمال کی طرف توجہ مبذول کرائی ہے۔
انھوں نے کہاہے کہ تھیٹر کمانڈ بنا کر تینوں افواج کو مربوط کرنے پر کام جاری ہے اور بھارتی فوج اس تبدیلی کے لیے پوری طرح پرعزم ہے۔آرمی چیف نے کہا کہ ہم اپنی افواج کی تنظیم نو، ری بیلنسنگ وغیرہ پر توجہ دے رہے ہیں۔
