کہاان کے پردادا کے زمانے سے چین اور پاکستان اتحادی ہیں، کسی نے انہیں یادکیوں نہیں دلایا؟
نئی دہلی، 3 فروری:(اردودنیا.اِن/ایجنسیاں)کانگریس لیڈر راہل گاندھی کو ان کے پاک- چین بیان پر مسلسل تنقید کا نشانہ بنایا جا رہا ہے۔ ان کے اس بیان پر کئی لیڈران سے لے کر امریکہ تک نے ردعمل ظاہر کیا ہے۔
ایسے میں اب سابق وزیر خارجہ نٹور سنگھ کا بیان سامنے آیا ہے۔ نٹور سنگھ نے راہل گاندھی کے بیان پر کہا کہ میں حیران ہوں کہ حکومت کی طرف سے کوئی بھی راہل گاندھی کو یاد دلانے کے لیے نہیں اٹھا کہ انہوں نے جو کہا ہے وہ پوری طرح سے درست نہیں ہے۔ چین اور پاکستان 1960 کی دہائی سے قریبی اتحادی رہے ہیں۔
یہ ان کے پردادا کے دور میں شروع ہوا، جو مسئلہ کشمیر کو اقوام متحدہ میں لے گئے۔سابق وزیر خارجہ نے کہا کہ اب ہم الگ تھلگ نہیں ہیں، ہمارے پڑوسیوں کے ساتھ اچھے تعلقات ہیں، ہماری خارجہ پالیسی اب ناکام نہیں رہی، ہمارے پاس ایک وزیر خارجہ ہے جس نے اپنا سارا وقت خارجہ پالیسی کے معاملات سے نمٹنے میں صرف کیا ہے۔
بجٹ اجلاس کے دوران صدر کے خطاب پر شکریہ کی تجویز پر بحث کے دوران راہل گاندھی نے کہا تھا کہ مودی حکومت کی غلط پالیسیوں کی وجہ سے پاکستان اور چین متحد ہو گئے ہیں۔ انہوں نے کہا کہ ہم جس صورتحال کا سامنا کر رہے ہیں وہ کم نہیں۔ یہ ہندوستان کیلئے سنگین خطرہ ہے، آپ ہمیں کہاں لے گئے ہیں؟ انہوں نے کہا کہ چین اور پاکستان پہلے سے زیادہ قریب آگئے ہیں۔
