مئو ، 9فروری:(اردودنیا.اِن/ایجنسیاں) باندہ جیل میں قید ایم ایل اے مختار انصاری اوم پرکاش راج بھر کی پارٹی سبھاسپا (ایس بی ایس پی) کے ٹکٹ پر مئو صدر اسمبلی سیٹ سے الیکشن لڑیں گے۔ مختار انصار کے وکیل نے عدالت سے کاغذات نامزدگی کی رسمی کارروائی مکمل کرنے کی اجازت مانگی ہے۔
ایم ایل اے مختار انصاری ایس بی ایس پی کے ٹکٹ پر الیکشن لڑیں گے اور ان کا انتخابی نشان چھڑی ہوگا۔ اوم پرکاش راج بھر کے بیٹے اروند راج بھر نے مختار انصاری کو مئو صدر سے اپنی پارٹی کا امیدوار نامزد کیا ہے۔
نامزدگی کی رسمی کارروائیوں کو مکمل کرنے کے لیے مختار انصاری کے وکیل نے بندہ جیل جانے کی اجازت مانگی ہے۔ مختار انصاری کے وکیل داروغہ سنگھ نے خصوصی ایم پی-ایم ایل اے کورٹ کو یہ جانکاری دی ہے۔
مختار انصاری کے وکیل نے دلائل میں کہا گیا ہے کہ مختار انصاری مئوصدر سے ایم ایل اے ہیں اور اس اسمبلی الیکشن میں پرچہ نامزدگی داخل کرنا چاہتے ہیں۔
مختار انصاری کو سہل دیو بھارتیہ سماج پارٹی کی 356 اسمبلی سیٹوں سے امیدوار قرار دیا گیا ہے۔ کاغذات نامزدگی پر امیدوار کی منقولہ اور غیر منقولہ جائیداد اور درج فوجداری مقدمات کے بارے میں معلومات اور پارٹی کے حلف نامہ کے ساتھ دی گئی تھیں۔
خصوصی عدالت کے جسٹس دنیش کمار چورسیہ نے درخواست پر سماعت کے لیے 9 فروری کی تاریخ مقرر کی ہے۔ ایڈوکیٹ داروغہ سنگھ نے بتایا کہ مختار انصاری لگاتار پانچ بار ایم ایل اے ہیں۔ چھٹی بار ایم ایل اے بننے کے لیے نامزدگی کے لیے عدالت سے اجازت طلب کی گئی ہے۔ مختار انصاری کو سہل دیو بھارتیہ سماج پارٹی نے امیدوار قرار دیا ہے۔
