شوگر بلڈپریشر میں مفید،آم کے جادوئی پتے- ڈاکٹر امۃ المعیز فرزانہ افضل بنگلور
یہ پتے نزلہ زکام، کھانسی یہاں تک کہ دمے کے مریضوں کے لیے بھی بہت مفید ہوتے ہیں
سینکڑوں سالوں سے انسان مختلف بیماریوں کے علاج کیلئے جڑی بوٹیوں پر انحصار کرتا آرہا ہے اور ان پودوں اور بوٹیوں کے فوائد سینہ بہ سینہ ایک دوسرے تک منتقل ہوتے رہے ہیں اور ان میں سے بہت سے فوائد کے بارے میں اب سائنسی تحقیقات سے بھی ثابت ہو چکا ہے۔
آج ہم آپ کو جس درخت کے پتوں کے فوائد کے بارے میں بتائیں گے اس کے پھل کو پھلوں کا بادشاہ کہا جاتا ہے اور جس کی لذت اور فوائد کسی سے پوشیدہ نہیں ہیں جی ہاں ہماری مراد آم سے ہے۔ آم کے فوائد تو سب جانتے ہیں مگر آج ہم آپ کو آم کے درخت کے پتوں کے فوائد کے بارے میں بتائیں گے۔
ذیابیطس کو کنٹرول کرتے ہیں
وہ لوگ جن کو ذیابیطس کی شروعات ہو یا وہ ذیابیطس کی بارڈر لائن پر ہوں ایسے مریضوں کو آم کے پتوں کی چائے دے کر فائدہ حاصل کیا جا سکتا ہے اور اس بات کا امکان موجود ہوتا ہے کہ اس کا شوگر لیول صرف اس چائے سے ہی کنٹرول ہو جائے۔ اس کی چائے کی تیاری کے لیے آم کے تین سے چار پتے دھو کر رات بھر ایک کپ پانی میں بھگو کر رکھ دیں اور صبح نہار منہ چھان کر پی لیں۔ ان پتوں میں ایک ایسا کیمیکل موجود ہوتا ہے جو کہ خون میں شوگر کے لیول کو کنٹرول کرنے میں مددگار ثابت ہوتا ہے۔
ہائی بلڈ پریشر کے مریضوں کیلئے
ان پتوں میں موجود اجزا خون کی شریانوں کو مضبوط کرتے ہیں اور دوران خون کو بہتر بناتے ہیں۔ اس کیلئے بھی اوپر بتائے گئے طریقے سے آم کے پتوں کی چائے بناکر دن میں ایک سے دو بار پی جا سکتی ہے۔
بے چینی کا خاتمہ
عام طور پر گرمی کے موسم میں یا پریشانی کے عالم میں ہونے والی گھبراہٹ سے بھی یہ پتے نجات دلواتے ہیں۔ رات بھر بھگوئے ہوئے آم کے پتوں کے پانی کو چھان کر دو یا تین کپ پانی ایک بالٹی پانی میں شامل کریں اور اس پانی سے نہا لیں۔ اس سے ایک جانب تو گرمی کے اثرات ختم ہوں گے اسکے ساتھ ساتھ تازگی حاصل ہو گی اور بے چینی کا خاتمہ ہوگا۔
گردے اور پتے کی پتھری کیلئے
گردے اور پتے کی پتھری انتہائی تکلیف دہ ہوتی ہے اور اس کا علاج عام طور پر بغیر آپریشن کے نہیں ہوتا ہے۔ مگر حکیمی نسخے کے مطابق آم کے درخت کے پتوں سے اس کا علاج ممکن ہے اس کے لیے آم کے پتوں کو چھاؤں میں سُکھا لیں اور ان کو پیس کر ان کا ایک سفوف بنا لیں۔ اس کے بعد دن میں ایک سے دو بار اس سفوف کو سادہ پانی کے ساتھ کھا لیں کچھ ہی دنوں میں پتھری کا نام و نشان بھی نہ رہے گا۔
سانس کے مریضوں کیلئے
یہ پتے نزلہ زکام، کھانسی یہاں تک کہ دمے کے مریضوں کے لیے بھی بہت مفید ہوتے ہیں۔ آم کے پتوں کو پانی میں ابال کر ان کا قہوہ بنا کر اس قہوے میں تھوڑی سی مقدار شہد کی شامل کر کے اس کو پی لینے سے کھانسی میں فوری آرام ملتا ہے بیٹھی ہوئی آواز ٹھیک ہو جاتی ہے۔
دست اور معدے کے امراض کیلئے
دست آنے کی صورت میں چھاؤں میں خشک کیے گئے آم کے پتوں کے سفوف کو دست آنے کی صورت میں سادہ پانی کے ساتھ دن میں دو سے تین بار استعمال کریں۔
کان کے درد کی صورت میں
کان کا درد بہت تکلیف دہ ہوتا ہے اس سے نجات حاصل کرنے کیلئے آم کے پتوں کا رس نچوڑ لیں اور اس رس کو نیم گرم کر کے کان میں ٹپکا دیں اس رس میں موجود اجزا فوری درد سے آرام پہنچانے کا باعث بنیں گے۔
🌿 رحیمی شفاخانہ (آیورویدک و یونانی کلینک)
مستند علاج کا قابلِ اعتماد نام – 40 سالہ تجربہ!
📍 پتہ:
#248، 6th کراس، گنگوندنہلی مین روڈ،
نزدیک چندرا لیاؤٹ، بنگلور – 560039
📞 فون:
080-23180000 / 23397836
📱 موبائل: 9343712908
🔹 یونانی و آیورویدک علاج
🔹 دائمی امراض کا قدرتی حل
🔹 ذیابیطس، جوڑوں کا درد، معدہ، جلدی بیماریاں
🔹 مردانہ و زنانہ کمزوری
🔹 بانجھ پن، پتھری، دمہ، بالوں کا جھڑنا
💬 مفت مشورے کیلئے کال کریں یا وزٹ بُک کریں!
